ТИРАМОҲ ФАРО МЕРАСАД. Даҳаи дуюм ва сеюми моҳи сентябр дар Тоҷикистон бориши борон дар назар аст

Август 28, 2020 12:07

 ДУШАНБЕ, 28.08.2020 /АМИТ «Ховар»/. Моҳи сентябр  ҳарорати ҳаво тибқи меъёри иқлимӣ ва дар баъзе ноҳияҳо аз он  1 дараҷа баланд пешбинӣ шуда, даҳаи дуюм ва сеюми  моҳ ба амал омадани бориши борон дар назар аст. Дар ин бора аз  Агентии обуҳавошиносии  Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» иттилоъ доданд.

Ҳарорати миёнаи моҳонаи ҳаво дар водиҳо ва ноҳияҳои доманакӯҳии вилояти Хатлон ва водиҳои ноҳияҳои тобеи ҷумҳурӣ  дар ҳудуди меъёри иқлимӣ ва аз он  1 дараҷа  баланд пешгӯӣ шудааст. Ҳаво дар  водиҳо 20+23 ва дар ноҳияҳои доманакӯҳӣ 18+19 дараҷа гармиро ташкил медиҳад.

Нимаи аввали моҳ ҳарорати ҳаво дар ноҳияҳои вилояти Хатлон  шабона аз 12+17 то 17+22 ва рӯзона 30+35 дараҷа  гарм мешавад. Дар ноҳияҳои ҷанубӣ то 33+38 дараҷа гармӣ дар назар аст.  Нимаи дуюми моҳ пастшавии ҳарорати ҳаво аз эҳтимол дур набуда, ҳаво дар водиҳо шабона 10+1 ва рӯзона  27+32 дараҷа  гарм мешавад.

Миқдори моҳонаи бориш аз меъёри муқаррарӣ кам пешгӯӣ мешавад (меъёр дар водиҳо 0,5-5 мм ва дар ноҳияҳои доманакӯҳӣ 4-9 мм). Боронҳои кӯтоҳмуддат бо раъду барқ эҳтимол дар нимаи дуюми моҳ ба амал оянд.

Дар вилояти Суғд ҳарорати миёнаи моҳонаи ҳаво тибқи меъёри муқаррарӣ ва дар баъзе ноҳияҳо аз меъёри иқлимӣ 1 дараҷа баланд шуда, ҳаво дар водиҳо 19+22 ва дар ноҳияҳои кӯҳӣ 12+16 дараҷа гарм мешавад.

Нимаи аввали моҳ ҳарорати ҳаво дар водиҳо шабона 13+18 ва рӯзона 31+36 дараҷа гарм мешавад.  Рӯзҳои алоҳида воридшавии кӯтоҳмуддати мавҷи ҳавои сард ва пастшавии ҳарорати рӯзонаи ҳаво то 10+15 дараҷа гармӣ пешгӯӣ мешавад.

Миқдори моҳонаи бориш дар водиҳо аз меъёри иқлимӣ кам дар назар дошта шуда, дар ноҳияҳои кӯҳӣ дар ҳудуди меъёри иқлимӣ пешгӯӣ мешавад. Боридани боронҳо бо раъду барқ эҳтимол дар даҳрӯзаҳои дуюм ва сеюми моҳ ба амал ояд. Дар баъзе ноҳияҳо ҳангоми раъду барқ шиддати вазиши шамол бо суръати то 15-20 метр дар як сония дар назар аст.

Дар ноҳияҳои кӯҳии тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати ҳаво дар ҳудуди меъёри иқлимӣ буда, 15+20 дараҷа гармиро ташкил медиҳад. Дар нимаи аввали моҳ ҳарорати ҳаво шабона 11+16 ва рӯзона 27+32 дараҷа гарм мешавад. Дар нимаи дуюми моҳ тағйирёбии ҳарорати ҳаво дар назар аст.

Эҳтимоли бавуҷудоии бориши кӯтоҳмуддат дар даҳрӯзаҳои дуюм ва сеюми моҳ пешгӯӣ шуда, миқдори моҳонаи бориш дар ҳудуди меъёри иқлимӣ ва дар баъзе ноҳияҳо аз меъёр баланд пешбинӣ мешавад.

Дар ноҳияҳои шарқии вилояти Мухтори Кӯҳистони Бадахшон ҳаво шабона 1+6 ва дар баъзе ноҳияҳо то -3+2 дараҷа гарм шуда, рӯзона ба 13+18 дараҷа мерасад.  Нимаи дуюми моҳ пастшавии ҳарорати ҳаво пешгӯӣ шуда, шабона 2-7 дараҷа хунук ва рӯзона то 8+13 дараҷа гарм мешавад.

Миқдори моҳонаи бориш аз меъёри иқлимӣ кам буда (меъёр 2-10мм), бориш асосан дар нимаи дуюми моҳ ба амал меояд. Дар ноҳияҳои алоҳида дар баъзе ҳолатҳо шамол бо шиддати то 12-17 метр дар як сония мевазад.

Август 28, 2020 12:07

Хабарҳои дигари ин бахш

Судяҳои минтақаи Аврупои Шарқӣ ва Осиёи Марказӣ масъалаҳои марбут ба ВНМО, ҳуқуқи инсон ва қонунгузориро баррасӣ намуданд
15 ОКТЯБР – РӮЗИ УМУМИҶАҲОНИИ ДАСТОНИ ТОЗА. Ҳар рӯз аз «бемории дастони чиркин» панҷ ҳазор кӯдак ба панҷсолагӣ нарасида, мефавтанд
Таҳти раёсати муовини Сарвазир Ширин Исматуллозода ҷаласаи Шӯрои миллии ҳамоҳангсозӣ оид ба масъалаҳои тандурустӣ ва ҳифзи иҷтимоии аҳолӣ доир гардид
Лоиҳаи «Тақвияти таҳсилоти касбӣ-техникӣ ва омӯзиш»: Малоҳат Искандарова ҳамчун устои барқ шӯҳрат ёфтааст
Ситоди доимамалкунандаи Вазорати тандурустӣ ва ҳифзи иҷтимоии аҳолӣ дар як шабонарӯз се маротиба онлайн доир мегардад
Милитсияи Душанбе: тадбирандешӣ нисбат ба вайронкунандагони тартиботи ҷамъиятӣ «облава» нест!
Дар шаҳри Бохтар ҷаласаи Шӯрои вилоятии мутобиқсозию метод оид ба таълим ва тарбияи ҳуқуқии шаҳрвандон доир гардид
Муҳлати боздории санадҳои будубоши муваққатии шаҳрвандони хориҷӣ дар Федератсияи Россия то 15 декабри соли 2020 тамдид карда шуд
Дар вилояти Тюмени Федератсияи Россия бо фаъолони ҷамъиятии тоҷикон мулоқот доир шуд
«Оила — рукни муҳими пойдории ҷомеа» — таҳти ин унвон дар Душанбе ҳамоиш доир гардид
Шаҳри Исфара маъракаи даъвати тирамоҳии ҷавононро ба сафи Қувваҳои Мусаллаҳ сарбаландона ҷамъбаст намуд
Лоиҳаи Қонуни Ҷумҳурии Тоҷикистон «Дар бораи муқовимат ба терроризм» дар ҷаласаи Шӯрои ҷамъиятӣ баррасӣ гардид