«Дӯстӣ бошад мароми ҷовидон!». Дар Душанбе бо иштироки намояндагони аҳли илму адаб ва фарҳанги Тоҷикистону Ӯзбекистон мизи мудаввар баргузор гардид

Сентябрь 27, 2020 13:58

ДУШАНБЕ, 27.09.2020. /АМИТ «Ховар»/. «Дӯстӣ бошад мароми ҷовидон!» — таҳти чунин унвон имрӯз дар шаҳри Душанбе бо иштироки Вазири фарҳанги Ҷумҳурии Тоҷикистон Зулфия Давлатзода, Вазири фарҳанги Ҷумҳурии Ӯзбекистон Озодбек Назарбеков ва намояндагони аҳли илму адаб ва фарҳанги ду давлат мизи мудаввар баргузор гардид.

Вазирони фарҳанги ду давлат ва ҳайатҳои расмӣ нахуст мулоқот намуда, сиипас меҳмонон аз китобхона дидан намуданд.

Дар оғози ҳамоиш Вазири фарҳанги Ҷумҳурии Тоҷикистон Зулфия Давлатзода иброз намуд, ки раванди таҳкими ҳамкории неку судманд, дӯстиву бародарӣ ва ҳусни ҳамҷаворӣ байни Ҷумҳурии Тоҷикистон ва Ҷумҳурии Ӯзбекистон аз саъю талош ва ташаббусҳои наҷибонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев сарчашма гирифтаанд.

Ӯ зикр намуд, ки таърихи миллати тоҷик ва ӯзбек то андозае ба ҳам наздик мебошанд. Ҳамасола аҳли эҷоди Тоҷикистон ва Ӯзбекистон дар чорабиниҳои сатҳи фарҳангии ҳамдигар ширкат варзида, дар рушди фарҳанги ду мамлакат саҳм мегузоранд. Дар шароити душвори пандемия аҳолӣ, пеш аз ҳама, ба фарҳанг ниёз дорад, зеро фарҳанг ба онҳо имкон медиҳад бо рӯҳияи болида ва иродаи қавӣ бо вазъиятҳои буҳронӣ мубориза баранд.

Вазири фарҳанги Ҷумҳурии Ӯзбекистон Озодбек Назарбеков иброз намуд, ки «мо бори аввал нест, ки ба Тоҷикистон ташриф меорем. Ин давлатҳо бо санъат ва расму оин бо ҳам алоқамондии зич доранд. Сулҳу ваҳдат бевосита аз сиёсати пешгирифтаи президентони ҳарду давлат маншаъ мегиранд. Тавсеаи равобити судманди Тоҷикистон ва Ӯзбекистон дар шароити ҷомеаи муосир дар муносиботи гуногунсамтаи ду давлат саҳифаи нав боз намуд».

Дар ҷараёни мизи мудавар намояндагони ҳарду ҷониб доир ба рушди муносибатҳои илмию фарҳангӣ изҳори назар намуда, нақши сиёсати пешгирифтаи роҳбарони давлатҳоро дар тақвияти ин ҳамкорӣ муҳим шумориданд.

Ёдовар мешавем, ки 14 сентябр дар Китобхонаи миллии Тоҷикистон таҳти унвони «Саҳми сарварони Тоҷикистон ва Ӯзбекистон дар таҳкими дӯстӣ, ҳамсоягии нек ва эътимод, ифтитоҳи саҳифаҳои нав дар муносиботи шарикии стратегии тоҷикону ӯзбекон» Конференсияи илмию амалӣ доир гардид, ки дар он олимони ҳарду давлат ҳолати кунунӣ ва дурнамои рушди равобити сиёсии байни Тоҷикистон ва Ӯзбекистон, рушди робитаҳои иқтисодӣ, равобити илмию технологӣ ва фарҳангиро мавриди муҳокима қарор доданд.

Дар маҷмӯъ, таҳкими равобити самарабахши ду давлати ҳамсоя –Тоҷикистон ва Ӯзбекистон дар арсаҳои гуногун на танҳо ба манфиати ду мамлакат, балки барои таҳкими ҳамкории мутақобилан судманди кишварҳои минтақаи Осиёи Марказӣ ва ИДМ, хусусан рушди иқтисодиёт, беҳдошти вазъи иҷтимоӣ, таъмини амният ва суботи минтақа дар шароити ҷаҳони зудтағйирёбанда, таҳкими марзҳои давлатӣ, ки ҳамзамон сарҳади тамоми кишварҳои ИДМ маҳсуб меёбад, нақши калидӣ мебозад.

Сентябрь 27, 2020 13:58

Хабарҳои дигари ин бахш

Қалъаи қадимаи Ямчуни водии Вахони ноҳияи Ишкошим барқарор мегардад
Дар Боғи Ирам хӯрокҳои миллии давлатҳои узви Созмони ҳамкории Шанхай муаррифӣ мешаванд
«Созҳои мусиқӣ — муаррифи фарҳанги миллӣ». Таҳти чунин унвон дар Осорхонаи миллии Тоҷикистон намоиш ифтитоҳ ёфт
Дар Вазорати фарҳанг бо иштироки намояндагони муассисаҳои соҳаи табъу нашри шаҳри Душанбе машварат доир гардид
Донишгоҳи давлатии тиҷорати Тоҷикистон ба даҳгонаи мактабҳои олии беҳтарини ҷумҳурӣ шомил гардид,-бардошт аз нишасти матбуотӣ
Абдуҳалим Шукуров ғолиби озмуни «Донишҷӯи навовар – 2020» гардид
Нӯъмонҷон Ғаффорӣ: Дар Донишгоҳи давлатии омӯзгории Тоҷикистон ихтисоси журналист-омӯзгор таъсис дода мешавад
Ҳунарпешаи халқии Тоҷикистон Шералӣ Абулқайсов аз олам даргузашт
Хонандагони Душанбе дар Олимпиадаи байналмилалии ISI Junior ғолибият ба даст оварданд
Имрӯз Вазорати энергетика ва захираҳои об, Вазорати адлия, Вазорати кишоварзӣ ва Хадамоти алоқа оид ба ҷамъбасти нимсолаи якуми соли 2021 нишасти матбуотӣ баргузор менамоянд
Донишгоҳи давлатии молия ва иқтисоди Тоҷикистон аз рӯйи рейтинги Webometrics Ranking of World Universities дар ҷойи сеюм қарор гирифт
«Эҳтимоли аз хушксолӣ осеб дидани 130 кишвар. Ва оё метавонем аз абр борон бирезонем?»- шарҳи матбуоти даврӣ

Маводҳои таҳлилӣ