Дар Душанбе оид ба сайёҳии экологӣ давраи омӯзишӣ мегузарад
ДУШАНБЕ, 29.09.2020 /АМИТ «Ховар»/. Кумитаи рушди сайёҳии назди Ҳукумати Ҷумҳурии Тоҷикистон дар доираи татбиқи ҳадафҳои Стратегияи рушди сайёҳӣ дар Ҷумҳурии Тоҷикистон барои давраи то соли 2030 аз 28 сентябр то 1 октябр дар шаҳри Душанбе вобаста ба сайёҳии экологӣ дар ҳамкорӣ бо Ассотсиатсияи ёрирасони ширкатҳои сайёҳии Тоҷикистон давраи омӯзишӣ доир менамояд.
Машғулияти омӯзишӣ дар шаҳри Душанбе бо ҷалби ширкатҳои сайёҳӣ ва меҳмонхонаҳо дар сиғаи онлайн бо иштироки коршиносони байналмилалӣ аз давлати Юнон баргузор мегардад. Ҳадафи машғулияти омӯзишӣ мутобиқати сертификатсияи экологии давлат ба стандартҳои Иттиҳоди Аврупо, ҳифз ва нигоҳдории табиат бо роҳи сайёҳӣ ва сабзу хуррам нигоҳ доштани муҳити зист мебошад. Интизор меравад, ки моҳи октябр чунин машғулияти омӯзишӣ дар шаҳрҳои Кӯлоб ва Хуҷанд низ бо ҷалби субъектҳои фаъолияти сайёҳӣ баргузор карда шаванд.
Аз Кумитаи рушди сайёҳии назди Ҳукумати ҷумҳурӣ ба АМИТ «Ховар» иттилоъ доданд, ки сайёҳии экологӣ дар саноати туризм ва меҳмонпазироии ҷаҳон нақши муҳим мебозад.
Тибқи маълумоти коршиносони Созмони ҷаҳонии сайёҳӣ, дар зарфи 10 соли охир байни гардишгарон сайёҳии экологӣ бештар машҳур гашта, яке аз фишангҳои устувори рушд дар давлатҳои ҳавасманд маҳсуб меёбад.
Зарурати рушди сайёҳии экологӣ дар Ҷумҳурии Тоҷикистон, пеш аз ҳама, ба мавҷудияти захираю иқтидорҳои бои сайёҳӣ, инчунин омилҳои иҷтимоию иқтисодӣ, таъсиси ҷойҳои нави корӣ ва рушди маҳал дар минтақаҳои дурдасти мамлакат рабт дорад. Сарчашма хабар медиҳад, ки иқтидори иқтисодии сайёҳии экологӣ дар Тоҷикистон бемаҳдуд аст. Бо дарназардошти хусусиятҳои хоси табиӣ ва таърихию фарҳангии мамлакат ва дар асоси таҳлили ҳамаҷонибаи мутахассисони соҳа, дар баробари дигар намудҳои сайёҳӣ дар ҷумҳурӣ сайёҳии экологӣ самти афзалиятнок ва ояндадор ба шумор меравад. Зеро пурсишҳои иҷтимоӣ дар ҷумҳурӣ миёни сайёҳон бозгӯи он аст, ки аз ҷониби сайёҳони хориҷӣ дар баробари дигар навъҳои сайёҳӣ ба сайёҳии экологӣ бештар афзалият дода мешавад. Дар ин ҷода, ба рушди минбаъдаи сайёҳии экологӣ дар Тоҷикистон имконоти ҳудудҳои махсус ҳифзшавандаи табиӣ, ки беш аз 20 фоизи қаламрави Тоҷикистонро дар бар мегиранд, мусоидат менамоянд.
Акс аз манбаъҳои дастрас
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
