Имсол барои таъмири роҳи Душанбе-Чанок беш аз 30 ҳазор тонна асфалт истифода мешавад

Сентябрь 3, 2020 11:31

ДУШАНБЕ, 03.09.2020 /АМИТ «Ховар»/. Кормандони  Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон дар мавсими имсола бо харҷи 23 000 тонна асфалт 152519,76 метри мураббаъ роҳи Душанбе-Чанокро таъмир карданд. Соли равон доираи фаъолият хеле васеъ гардида, бо ин мақсад зиёда аз 30 ҳазор тонна асфалт истифода хоҳад шуд. Тибқи маълумоти дастрасшуда, то ин вақт кормандони «IRS» бо харҷи 22400 тонна асфалт 149519,76 метри мураббаъ роҳро таъмир намуданд. Дар ин бора ба хабарнигори  АМИТ «Ховар» сардори Маркази матбуоти филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон Далери Абдулло хабар дод. 

Барои таъмири роҳ мутахассисони ҳирфаӣ ва техникаву механизмҳои замонавӣ ҷалб шуда, се корхонаи истеҳсоли асфалти марбут ба филиали ширкат дар ин кор саҳми назаррас доранд. Инчунин бо роҳандозии фаъолият дар сатҳи хуб ва сифати баланд аз ҷониби филиали ширкат ба масъалаи ободонӣ, ки дар навбати аввал ба таъмини бехатарии мусофирону ронандагон рабт дорад, таваҷҷуҳи хосса зоҳир мешавад.

«Таъмиру таҷдид дар роҳу қисматҳои он далели возеҳи масъулиятшиносии роҳбарияти филиали ширкат аст. Ин раванд зери назорати доимӣ ва ҷиддии роҳбарияти филиали ширкат қарор дошта, дар сурати ба вуҷуд омадани кӯчактарин ҳодисаи вайроншавии роҳ пайи рафъи он тадбирҳои бетаъхир андешида мешаванд. Бегуфтугӯ, фаъолияти пурмаҳсул ва масъулиятшиносии кормандони филиали ширкати мазкур дар қатори дигар дастовардҳои даврони истиқлолият барои боз ҳам беҳтар шудани некуаҳволии сокинони мамлакат ва пешрафту тараққиёти иқтисоди миллии мо нақши муҳим дорад»,-мегӯяд Далери Абдулло

Дар филиали ширкати мазкур зиёда аз 800 нафар бо ҷойи кор таъмин гардида, таҷрибаи худро доир ба нигоҳдории роҳ мунтазам такмил дода истодаанд. Ин, дар навбати худ, яке аз дастовардҳои соҳаи нақлиёт дар замони истиқлолият буда, мутахассисон қодиранд таҷрибаи андӯхтаи худро минбаъд дар татбиқи лоиҳаҳои дигар истифода намоянд.  Ҳамзамон роҳбарияти ва кормандони филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон ҳамкориро бо сохторҳои дахлдор тавсеа бахшида, тамоми иқдомҳоеро, ки ба ободонии роҳ рабт доранд, дастгирӣ мекунанд.

Сентябрь 3, 2020 11:31

Хабарҳои дигари ин бахш

Дар Суғд беш аз 68 ҳазору 888 тонна пахта ҷамъоварӣ гардид
ХБА тағйирёбии иқлимро таҳдиди ҷиддӣ ба рушди иқтисоди ҷаҳонӣ мешуморад
ХУШО, КИ БОРИ ДИГАР ҶАШНИ МЕҲРГОН ОМАД! Ин иди миллӣ дар Душанбе бо баргузории Фестивал-намоиши шолӣ ва биринҷ ҷашн гирифта мешавад
Хатлон ба хориҷи мамлакат беш аз 100 ҳазор тонна маҳсулоти кишоварзӣ содирот намудааст
БАРӮЙХАТГИРИИ АҲОЛӢ ВА ФОНДИ МАНЗИЛ-2020. Дар Суғд ин маъракаи муҳим муташаккилона идома дорад
ЗИМИСТОНГУЗАРОНӢ. Филиали «Иновейтив Роуд Солюшнз ЛТД» барои ин мавсим дар ҳаҷми зарурӣ мавод захира намудааст
ҶДММ «Ваҳдат»-и ноҳияи Ёвон ба истеҳсоли дастпӯшакҳои бофташудаи сохтмонӣ шурӯъ намуд
ДАСТОВАРДИ НАВБАТИИ ГЕОЛОГҲОИ ТОҶИК. Маъданҳои шаҳдараит ва ҳасановит дар ҷаҳон бори аввал дар Тоҷикистон кашф шуданд
«Электроторгмаш»-и Украина пешниҳод намуд, ки дар Суғд Маркази барқу гармидиҳӣ созад
Пахтакорони Турсунзода то имрӯз зиёда аз 1000 тонна пахта ҷамъоварӣ намудаанд
Вазирони молияи кишварҳои узви Бонки ҷаҳонӣ масъалаи сармоягузорӣ ба захираҳои инсониро баррасӣ намуданд
ИМРӮЗ – РӮЗИ КИШОВАРЗОН. Беш аз 60 фисади аҳолии Тоҷикистон ба ин соҳа машғул буда, дар таъмини амнияти озуқаворӣ саҳми босазо мегузоранд