Кумитаи андоз ба Муассисаи давлатии «Хона-интернати бемориҳои рӯҳии ноҳияи Восеъ» кумак расонид
ВОСЕЪ, 12.09.2020 /АМИТ «Ховар»/. Бахшида ба ҷашни 29-умин солгарди Истиқлолияти давлатии Ҷумҳурии Тоҷикистон роҳбарияти Кумитаи андози назди Ҳукумати Ҷумҳурии Тоҷикистон ба бошандагони Муассисаи давлатии «Хона-интернати бемориҳои рӯҳии ноҳияи Восеъ» кумак расониданд.
Кумитаи андоз сарпарастии Муассисаи давлатии «Хона-интернати бемориҳои рӯҳии ноҳияи Восеъ»-ро ба уҳда дошта, роҳбарияти он дар арафаи ҳар ҷашн ба ин муассиса пайваста ёрӣ мерасонад. Онҳо ин навбат барои бошандагони муассисаи мазкур дастурхони идона кушода, ба онҳо либосу дигар ашёи зарурӣ тақдим карданд.
Тавре корманди Кумитаи андоз Акбар Ҳалимхонов иттилоъ дод, «мо ҳамасола ба Муассисаи давлатии «Хона- интернати бемориҳои рӯҳии ноҳияи Восеъ» кумак расонида, аз аҳволи бошандагони он хабардор мешавем. Дар оянда низ тасмим гирифтаем, ки онҳоро бо либос ва маводи хӯрокӣ таъмин намоем, чунки онҳо ба кумак бештар ниёз доранд».
Дар муассисаи мазкур 240 нафар беморон табобат мегиранд. Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Агентии давлатии ҳифзи иҷтимоии аҳолӣ ва Кумитаи андози назди Ҳукумати Ҷумҳурии Тоҷикистон баҳри беҳтар намудани шароити буду бош ва саломатии онҳо пайваста кӯшиш ба харҷ медиҳанд.
Айни замон биноҳои муассиса таъмир карда шуда, бо рахти хобу дигар таҷҳизоти зарурӣ муҷаҳҳаз гардонида шудаанд.
35-СОЛАГИИ ИСТИҚЛОЛИ ДАВЛАТӢ. Дар Истаравшан бинои нави муассисаи таълимӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Дар шаҳри Кӯлоб 494 иншоот ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Сокинони Ҷамоати деҳоти Навободи шаҳри Ҳисор чойхона бунёд намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд бинои иловагии гимназияи №4 бунёд карда мешавад
Дар шаҳри Конибодом сохтмони се кӯдакистон оғоз гардид
Афсарону сарбозон дар Осорхонаи миллӣ бо таъриху фарҳанг ва дастовардҳои замони соҳибистиқлолӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Абдураҳмони Ҷомӣ сохтмони иншооти гуногун идома дорад
СОЛҲОИ РУШДИ САНОАТ. Дар шаҳри Гулистон корхонаи нави коркарди партов бунёд мегардад
Дар Вилояти Мухтори Кӯҳистони Бадахшон 33 муассисаи томактабӣ сохта мешавад
НИШАСТИ МАТБУОТӢ. Дар ноҳияи Ёвон 5 коргоҳи нави саноатӣ ба истифода дода шуд
Дар шаҳри Хуҷанд 48 корхонаю коргоҳи саноатӣ ба фаъолият оғоз намуд
НИШАСТИ МАТБУОТӢ. Дар вилояти Хатлон 1663 иншооти ҷашнӣ ба истифода дода шуд
