Муаррифии имкониятҳои рушди соҳаи моҳипарварӣ дар обанбори ноҳияи Мӯъминобод

Сентябрь 25, 2020 16:01

ДУШАНБЕ, 25.09.2020 /АМИТ «Ховар»/. 25 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Мӯъминобод бо лоиҳаи рушди соҳаи моҳипарварӣ дар обанбори Мӯъминобод шинос шуданд.

Масоҳати умумии обанбори Мӯъминобод 286 гектар ва ғунҷоиши об 30 миллион мукаабметрро ташкил дода, барои обёрии заминҳои кишоварзии шаҳри Кӯлоб, ноҳияҳои Мӯъминобод ва Восеъ нигаронида шудааст ва ҷойи мусоиду мувофиқ ҷиҳати рушди варзиши шиноварӣ, қаиқронӣ, инчунин соҳаи моҳипарварӣ мебошад.

Лоиҳаи рушди соҳаи моҳипарварӣ аз тарафи директори Ҷамъияти дорои масъулияти маҳдуди “Меҳвари Душанбе” Комилҷон Ғаниев муаррифӣ карда шуд.

Зимни муаррифӣ ҳолати қаблӣ, ҳозира ва ояндаи мавзеи назди соҳили обанбор шинос карда шуд. Дар нақша аст, ки дар ин ҷо оянда барои ҷалби сайёҳон иншооти зарурии соҳа сохта шавад.

Иттилоъ дода шуд, ки иқдоми ба роҳ мондани парвариши моҳӣ дар обанбори Мӯъминобод дар асоси дастуру ҳидоятҳои Пешвои миллат амалӣ мегардад.

Моҳи декабри соли 2019 аз ҷониби кормандони ширкати “Меҳвари Душанбе” дар обанбори Мӯъминобод 700 ҳазор кирминамоҳии навъҳои карп, зағорамоҳӣ, пешонапаҳни сафеду ало ва амури сафед сар дода шудааст.

Дар нақша аст, ки дар як сол аз ин обанбор 500 тонна моҳӣ истеҳсол карда шавад.

Моҳии парваришшуда барои таъмини бозорҳои вилояти Хатлон, шаҳри Душанбе ва содирот ба Ҷумҳуриҳои Ӯзбекистон ва Афғонистон нигаронида мешавад.

Оянда аз тарафи Ҷамъияти дорои масъулияти маҳдуди “Меҳвари Душанбе” дар ноҳияи Мӯъминобод бунёди корхонаи коркарди гӯшти моҳӣ ва истеҳсоли консерваҳо аз моҳӣ дар назар дошта шудааст.

Дар ширкат то имрӯз 30 нафар дар самти моҳипарварӣ дар бахшҳои корхона дар шаҳрҳои Душанбе ва Ваҳдат фаъолият доранд ва баъди амалисозии лоиҳаи рушди соҳаи моҳипарварӣ дар обанбори Мӯъминобод шумораи коргарон ба зиёда аз 150 нафар мерасад.

Муаррифии имкониятҳои рушди соҳаи моҳипарварӣ дар обанбори ноҳияи Мӯъминобод 25.09.2020

Сентябрь 25, 2020 16:01

Хабарҳои дигари ин бахш

Анҷоми сафари кории Президенти Ҷумҳурии Тоҷикистон Эмомалӣ Раҳмон дар Ҷумҳурии Узбекистон
Суханронии Президенти Ҷумҳурии Тоҷикистон Эмомалӣ Раҳмон дар ифтитоҳи Ҳамоиши сатҳи баланд «Осиёи Марказӣ дар баробари мушкилоти глобалии иқлим: муттаҳидшавӣ барои шукуфоии умумӣ»
Президенти Ҷумҳурии Тоҷикистон Эмомалӣ Раҳмон дар Форуми сатҳи баланд таҳти унвони «Осиёи Марказӣ пешорӯи мушкилоти ҷаҳонии иқлим: муттаҳидшавӣ барои шукуфоии умумӣ» иштирок намуданд
Президенти Ҷумҳурии Тоҷикистон Эмомалӣ Раҳмон дар Ҳамоиши Осиёи Марказӣ ва Иттиҳоди Аврупо иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Бонки аврупоии таҷдид ва рушд Одил Рено-Бассо мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Комиссияи Иттиҳоди Аврупо Урсула фон дер Ляйен мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Шурои Иттиҳоди Аврупо Антониу Кошта мулоқот намуданд
Президенти Ҷумҳурии Тоҷикистон Эмомалӣ Раҳмон вориди шаҳри Самарқанди Ҷумҳурии Узбекистон шуданд
Сафари кории Президенти Ҷумҳурии Тоҷикистон Эмомалӣ Раҳмон ба шаҳри Самарқанди Ҷумҳурии Узбекистон
Президенти Ҷумҳурии Тоҷикистон Эмомалӣ Раҳмон Раиси Ҷумҳурии Тотористони Федератсияи Русия Рустам Миннихановро ба ҳузур пазируфтанд
Фармони Президенти Ҷумҳурии Тоҷикистон