Президенти ФИФА «Истиқлол»-ро бо унвони чемпионӣ табрик намуд!
ДУШАНБЕ, 24.09.2020 /АМИТ «Ховар»/. Президенти Федератсияи Байналмилалии Ассотсиатсияҳои Футбол (ФИФА) Ҷанни Инфантино дар робита ба пеш аз муҳлат чемпион шудани дастаи «Истиқлол»-и Душанбе дар Чемпионати Тоҷикистон-2020 ба унвони Федератсияи футболи Тоҷикистон номаи табрикотӣ ирсол намуд. Дар ин бора АМИТ «Ховар» бо истинод ба сомонаи расмии дастаи футболи «Истиқлол» хабар медиҳад.
Дар номаи Ҷ. Инфантино, ки 23 сентябри соли 2020 ба унвони Президенти Федератсияи футболи Тоҷикистон Рустами Эмомалӣ ирсол гардид, чунин омадааст:
«Муҳтарам Президент!
Иҷозат диҳед дастаи футболи «Истиқлол»-ро барои чемпион шудан дар мавсими соли 2020, ки ҳафтумин унвони чемпионии пай дар пайи он мебошад, табрик намоям.
Ин унвон, бешак, натиҷаи меҳнати шабонарӯзӣ, шавқ ва садоқат ба кори худ аст. Ҳама ҳайати даста метавонанд аз ин дастоварди муҳим ифтихор намоянд. Мамнун мебудам, агар табрикоти маро ба ҳама, ки онҳоро барои дар оянда низ идома додани чунин азму талош даъват менамоям, мерасондед.
Бо истифода аз фурсати муносиб, аз номи ҷомеаи байналмилалии футбол ба Шумо ва Федератсияи Шумо барои рушду нумӯи футбол дар Тоҷикистон, дар минтақаатон ва дар саросари ҷаҳон изҳори сипос менамоям. Бесаброна мунтазири мулоқот бо шумо дар ояндаи наздик ҳастам.
Бо эҳтироми самимӣ —
Ҷанни Инфантино».
Ёдовар мешавем, ки дастаи футболи «Истиқлол»-и Душанбе пеш аз муҳлат, се давр қабл аз анҷоми Чемпионати Тоҷикистон байни дастаҳои Лигаи олии мавсими 2020 чемпиони Тоҷикистон гардид.
«Истиқлол» аллакай 12 имтиёз аз дастаи «Хуҷанд», ки дар ҷадвали мусобиқа бо 29 имтиёз дар ҷойи дуюм қарор дорад, пеш аст. Дар маҷмӯъ, «Истиқлол» 41 имтиёз дорад. Ҳамин тавр, ҳатто агар дар ҳамаи се бозии боқимонда дастаи «Хуҷанд» ғолиб ояд ҳам, наметавонад имтиёзҳояшро бо «Истиқлол» баробар кунад.
Дастаи «Хатлон»-и Бохтар бо 24 имтиёз дар ҷойи сеюм қарор дорад.
«Истиқлол» аз соли 2010 инҷониб бори нуҳум чемпиони Тоҷикистон оид ба футбол гардид.
АКСҲО аз сомонаи расмии дастаи футболи «Истиқлол»
Довар аз Тоҷикистон бозиҳои қисми ниҳоии Ҷоми футзали Осиё-2026-ро ҳакамӣ мекунад
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
Дастаи мунтахаби Тоҷикистон оид ба футзал дар доираи машқҳои таълимӣ ду бозии санҷишӣ доир кард
ФУТБОЛ. Дастаи мунтахаби наврасони Тоҷикистон (U-17) Аморати Муттаҳидаи Арабро мағлуб намуд
ФУТБОЛ. Дастаи мунтахаби наврасони то 17-солаи Тоҷикистон дар бозии дӯстона дастаи Арабистони Саудиро мағлуб намуд
Дастаи мунтахаби Тоҷикистон оид ба футзал пеш аз Ҷоми Осиё-2026 се бозии санҷишӣ анҷом медиҳад
Таҷрибаи академияҳои маъруфи ҷиу-ҷитсуи ИМА барои рушди варзиш дар Тоҷикистон омӯхта мешавад
Дар Душанбе қуръакашии марҳилаи муқаддамотии Ҷоми ФФТ-2026 оид ба футбол баргузор шуд
