ТАВАҶҶУҲ! Парвози чартерӣ дар масири Душанбе-Минск-Душанбе
ДУШАНБЕ, 08.09.2020 /АМИТ «Ховар»/. Ситоди ҷумҳуриявӣ оид ба пурзӯр намудани чораҳои зиддиэпидемикӣ оид ба пешгирии сирояти нави COVID-19 дар бораи 10 сентябри соли 2020 аз ҷониби ширкати ҳавопаймоии «Сомон Эйр» анҷом додани парвози чартерӣ дар самтҳои Душанбе-Минск ва Минск-Душанбе қарор қабул намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Парвози чартерӣ дар самти Душанбе-Минск, пеш аз ҳама, барои интиқоли донишҷӯёни тоҷик, ки дар Ҷумҳурии Беларус ва Украина таҳсил мекунанд, инчунин теъдоде аз шаҳрвандони кишварҳои хориҷӣ пешбинӣ шудааст. Дар робита ба ин, Вазорати корҳои хориҷӣ аз донишҷӯёни тоҷике, ки дар Ҷумҳурии Беларус ва Украина таҳсил мекунанд, хоҳиш менамояд, ки ҳангоми ворид шудан ба ин кишварҳо талаботи беҳдоштию эпидемиологиро риоя кунанд.
Бояд гуфт, ки сафоратхонаҳои Тоҷикистон дар Беларус ва Украина омодаанд ба донишҷӯёни тоҷик дар таъмини интиқол аз Минск ба Киев ва дигар шаҳрҳои Украина кумаки зарурӣ расонанд. Барои харидани билетҳои ҳавопаймо дар самти Душанбе-Минск шаҳрвандон метавонанд мустақиман ба ширкати ҳавопаймоии «Сомон Эйр» муроҷиат намоянд.
Барои дохил шудан ба рӯйхат ҳамватанонро мебояд ба сафоратҳои Тоҷикистон дар Минск ва Киев муроҷиат намоянд. Бояд ба назар гирифт, ки ҳангоми вуруд ба Ҷумҳурии Тоҷикистон ҳамватанон бояд бо худ маълумотнома дар бораи надоштани коронавирус (COVID-19), ки тавассути санҷиш бо усули вокуниши занҷиравии полимеразӣ (ПЦР) гирифта шудааст ва на дертар аз 96 соат (4 шабонарӯз) қабл аз омадан ба Тоҷикистон омода гардидааст, дошта бошанд. Аммо кӯдакони то 3-сола аз пешниҳоди маълумотнома озод мебошанд.
Сафири Тоҷикистон бо директори генералии Агентии танзимкунандаи фаъолияти хайриявии Давлати Қатар мулоқот намуд
Дар Теҳрон иҷрои тавофуқоти дуҷониба байни Тоҷикистон ва Эрон баррасӣ гардид
Сафири Тоҷикистон бо Раиси Федератсияи палатаҳои тиҷоратии Арабистони Саудӣ мулоқот намуд
Президенти Ҷумҳурии Исломии Покистон бо Сафири Тоҷикистон мулоқот намуд
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони кишварҳои аъзои Иттиҳоди Давлатҳои Мустақил иштирок кард
Вазири корҳои хориҷии Тоҷикистон бо фиристодаи махсуси Иттиҳоди Аврупо оид ба Афғонистон мулоқот намуд
Дар Тошканд нишасти Шурои ҳамоҳангсозони миллӣ оид ба вохӯриҳои машваратии сарони давлатҳои Осиёи Марказӣ доир шуд
Сироҷиддин Муҳриддин бо мушовири махсуси Сарвазири Ҷопон мулоқот намуд
Вазири меҳнат, муҳоҷират ва шуғли аҳолии Тоҷикистон бо раис ва мудири иҷроияи Ширкати захираҳои инсонии «ARCO» мулоқот намуд
Намояндаи доимии Тоҷикистон дар ҳамоиш бахшида ба ташаббуси СММ «Огоҳии бармаҳал барои ҳама» иштирок намуд
Шуруъ аз 3 феврал байни Тоҷикистон ва Эрон қоидаҳои нав дар низоми бераводид амалӣ мегарданд
Тақвияти ҳамкории бисёрҷонибаи Тоҷикистон бо Барномаи Созмони Милали Муттаҳид оид ба сукунат баррасӣ гардид
