ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Парки миллии мамлакат, воқеъ дар ноҳияи Сангвор 102 иншоот бунёд мешаванд

Октябрь 7, 2020 10:29

САНГВОР, 07.10.2020. /АМИТ «Ховар»/. Дар Парки миллии Тоҷикистон, воқеъ дар ноҳияи Сангвори водии Рашт то ҷашни 30-солагии Истиқлоли давлатӣ ба истифода додани 102 иншооти хурду миёна, аз ҷумла меҳмонхонаҳои замонавӣ, осоишгоҳи табобатӣ, марказҳои хизматрасонӣ, кошонаи ҳусн, сартарошхона, синфхонаҳои иловагӣ, майдончаҳои варзишӣ, бунгоҳҳои тиббӣ, биноҳои маъмурӣ ва дигар инфрасохтори  сайёҳӣ ба нақша гирифта шуда, то  ба ҳол зиёда аз 53 иншоот  мавриди  истифода қарор гирифтаанд.

Парки миллии Тоҷикистон дар Сангвор 306,6 ҳазор гектарро фаро гирифта, дар он барои сайёҳони дохилию хориҷӣ шароити хуб муҳайёст. Вобаста ба Солҳои рушди деҳот, сайёҳӣ ва ҳунарҳои мардумӣ корҳои созандагӣ ва ободкорӣ дар инҷо хуб ба роҳ монда шудаанд.

Дар натиҷаи тадбирҳои андешидаи давлату ҳукумати Ҷумҳурии Тоҷикистон ва меҳнати самимонаи сокинон   шаҳру деҳоти мамлакат ба гулистони ҳақиқӣ табдил ёфта истодаанд.

Дар ноҳияи Сангвор низ ин равандро хуб дарк кардаанд ва мароми мардум танҳо бунёдкориву созандагист. Масъулини ноҳия бо боварии  комил мегӯянд, ки ояндаи наздик Сангвор ба қатори ноҳияҳои пешрафтаи мамлакат ворид хоҳад шуд.

Ёдовар мешавем, ки Сангвор яке аз минтақаҳои зеботарини мамлакат буда, диққати ҳар бинандаро бо манзараҳои ҷолиб ва ёдгориҳои таърихӣ ба худ ҷалб менамояд. Иқлим, табиат, ҳавои тозаи кӯҳсор, чашмаҳои шаффофи диёр барои ташкили осоишгоҳҳои табобатӣ, экотуризми сатҳи ҷумҳуриявӣ ва байналмилалӣ мувофиқ мебошанд. Рушди сайёҳӣ метавонад ба пешрафти иқтисодиёти ноҳия ва таъмини шумораи зиёди сокинони он бо ҷои кор мусоидат кунад.

Октябрь 7, 2020 10:29

Хабарҳои дигари ин бахш

Дар Тоҷикистон нақшаҳои генералии таҷдиди 90% шаҳрҳо ва марказҳои ноҳияҳо тасдиқ карда шуданд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар шаҳри Ваҳдат зиёда аз 400 иншоот ба истифода дода шуда, 522 нафар соҳиби ҷойи кор гардиданд
Барои татбиқи лоиҳаи «Беҳтар намудани хизматрасонии тиббӣ» дар Тоҷикистон 12 миллион доллар маблағгузорӣ мегардад
REGNUM: Гардиши савдои хориҷии Тоҷикистон афзоиш ёфт
Дар Панҷакент теъдоди корхонаҳои истеҳсолӣ меафзояд
TИKA ба Тоҷикистон инфрасохтори муосири намоишгоҳӣ тақдим менамояд
Кишоварзони Хатлон дурнамои ҷамъоварии пахтаро ба 95,5 фоиз расониданд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Саҳми соҳибкорони Нуробод дар бунёди иншоот бахшида ба 30-солагии Истиқлоли давлатӣ назаррас аст
Имомуддин Сатторов дар ҷаласаи Комиссия оид ба масъалаҳои иқтисодӣ дар назди Шӯрои иқтисодии ИДМ аз Тоҷикистон намояндагӣ кард
Ҷаласаи 15-уми Гурӯҳи кории СПЕКА таҳти раёсати Тоҷикистон баргузор гардид
COVID-19 ташкилоти суғуртавиро бо мушкилоти зиёд рӯ ба рӯ намудааст. Тавзеҳи шореҳи иқтисодии АМИТ «Ховар»
Таҳти раёсати Усмоналӣ Усмонзода ҷаласаи Ситоди ҷумҳуриявӣ оид ба давраи зимистон баргузор шуд