Ҳайати Тоҷикистон дар чорабиниҳои «Рӯзҳои СААД» дар Москва иштирок намуд
ДУШАНБЕ, 08.10.2020 /АМИТ «Ховар»/. 7 октябр дар шаҳри Москва ҳайати Ҷумҳурии Тоҷикистон бо роҳбарии муовини Вазири корҳои хориҷӣ Музаффар Ҳусейнзода дар чорабиниҳои «Рӯзҳои Созмони Аҳдномаи амнияти дастаҷамъӣ (СААД)» ба муносибати 18-умин солгарди имзои Оинномаи СААД ширкат варзид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар доираи он чорабиниҳо ифтитоҳи намоишгоҳи муштараки аксҳо таҳти унвони «Дар посдории сулҳ. Кишварҳои узви СААД дар фаолияти байналмилалии сулҳофаринӣ» сурат гирифт ва ҷаласаи мизи мудаввар дар мавзӯи «СААД: самтҳои рушди стратегӣ» бо иштироки муовинони вазирони корҳои хориҷии кишварҳои узви Созмон баргузор гардид.
Музаффар Ҳусейнзода дар мизи мудаввар сухан гуфта, нигоҳи Ҷумҳурии Тоҷикистонро нисбат ба фаолияти минбаъдаи СААД баён намуд. Зарурати тамаркузи таваҷҷуҳ ба чолишу таҳдидҳои муосир, ба мисли терроризми байналмилалӣ ва ифротгароӣ, ҷиноятҳои муташаккил, муҳоҷирати ғайриқонунӣ ва савдои одамон, ки ҳамчун мавзӯъҳои доғи рӯзномаи байналмилалӣ ва минтақавӣ боқӣ мемонанд, таъкид гардид.
Инчунин ба гузариши раёсат дар СААД ба Ҷумҳурии Тоҷикистон дар моҳи декабри соли равон махсусан ишора шуд. «Кишвари мо самтҳои авлавиятноки раёсати худро дар СААД тарҳрезӣ намуда истодааст. Авлавият дар рафти иҷлосияи навбатии Шӯрои амнияти дастаҷамъӣ аз ҷониби Президенти Тоҷикистон муаррифӣ мегарданд. Тоҷикистон тамоми кӯшишҳоро баҳри мусоидат ҷиҳати татбиқи ҳадафу вазифаҳои Созмон ва таъмини самарабахшии фаолияти он сафарбар хоҳад кард,» — зикр намуд муовини вазир.
АКС аз ВКХ ҶТ
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
