Академияи идоракунии давлатӣ ҳамоиши сиёсӣ, фарҳангӣ ва солимгардонӣ баргузор намуд
ДУШАНБЕ, 05.10.2020 /АМИТ «Ховар»/. Дар Боғи фарҳангу фароғатии ба номи Садриддин Айнӣ бо ташаббуси Академияи идоракунии давлатии назди Президенти Ҷумҳурии Тоҷикистон ҷиҳати дастгирии иқдоми Раиси шаҳри Душанбе муҳтарам Рустами Эмомалӣ барои ба “шаҳри сабз” табдил додани пойтахт, бахшида ба Рӯзи забони давлатӣ ва Рӯзи омӯзгор таҳти унвони “Забони модарии мо — забони шоирист!” ва “Ватанамонро сидқан дӯст медорем!” ҳамоиши сиёсӣ, фарҳангӣ ва солимгардонӣ баргузор гардид. Дар ин бора аз Академияи идоракунии давлатӣ ба АМИТ “Ховар” хабар доданд.
Ректори Академияи идоракунии давлатии назди Президенти Ҷумҳурии Тоҷикистон, доктори илмҳои ҳуқушиносӣ, профессор Абдухалил Ғафурзода иброз дошт, ки маҳз сиёсати дурусти давлату Ҳукумати Ҷумҳурии Тоҷикистон буд, ки забони тоҷикӣ ҳамчун забони миллӣ дар даврони истиқлол дар мақоми забони давлатӣ пазируфта шуд.
Ректори Академия оид ба ташаббуси Раиси шаҳри Душанбе муҳтарам Рустами Эмомалӣ барои ба “шаҳри сабз” табдил додани пойтахти мамлакат — шаҳри Душанбе иброз дошт, ки устодон, кормандон ва донишҷӯёну магистрантони Академияи идоракунии давлатии назди Президенти Ҷумҳурии Тоҷикистон дар амалӣ намудани ин иқдом бетараф нестанд ва тибқи нақша ҳар ҳафта дар боғу гулгаштҳои пойтах корҳои ободонию сабзкориро амалӣ менамоянд.
Дар доираи ҳамоиши мазкур дар дохили Боғи фарҳангу фароғатии ба номи Садриддин Айнӣ аксияи тозагӣ баргузор шуд, ки донишҷӯёни Академия саҳни боғ, роҳравҳо ва курсиҳоро тозаву озода карда, партовҳо ва хазонҳоро рӯбучин намуданд.
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
