Аз 21 то 25 октябр дар Душанбе даври шаҳрии Озмуни «Тоҷикистон — Ватани азизи ман» баргузор мегардад

Октябрь 21, 2020 14:06

ДУШАНБЕ, 21.10.2020 /АМИТ «Ховар»/. Имрӯз бо ташаббуси мақомоти иҷроияи ҳокимияти давлатии шаҳри Душанбе дар Филармонияи давлатии Тоҷикистон ба номи Акашариф Ҷӯраеви пойтахт  даври шаҳрии Озмуни ҷумҳуриявии «Тоҷикистон — Ватани азизи ман» оғоз гардид,  ки он  то 25 октябри соли равон  идома меёбад. Дар ин даври озмун  100 нафар ғолибони даври ноҳиявӣ иштирок намуда,  дар 3 номинатсия — композиторӣ, сарояндагӣ ва навозандагӣ дар жанрҳои академӣ, анъанавӣ ва эстрадӣ ҳунарнамоӣ мекунанд. Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар»  хабар доданд.

«Даври аввали  Озмуни ҷумҳуриявии «Тоҷикистон — Ватани азизи ман» аз  18 то 24 августи соли равон  бо иштироки 572 нафар довталабон аз  4 ноҳияи шаҳри Душанбе, аз ҷумла  Шоҳмансур – 70,  Фирдавсӣ – 290,   Исмоили Сомонӣ – 136  ва Сино – 76 нафар  дар толорҳои консертии муассиса ва марказҳои фарҳангии пойтахт доир гардиданд. Довталабони ин даври озмун  маҳорати худро дар 3 номинатсия — композиторӣ, сарояндагӣ ва навозандагӣ дар се жанр — академӣ, анъанавӣ ва эстрадӣ нишон  доданд. Аз ин шумора  танҳо 236 нафар барои ширкат дар даври ноҳиявии озмун  роҳ ёфтанд. Дар  ҷамъбасти даври ноҳиявии озмун 100 нафар довталабон ба даври шаҳрии он  роҳхат гирифтанд»,-афзуд манбаъ.

Ғолибони озмун бо мукофотҳои пулӣ ва диплому сипосномаҳои мақомоти иҷроияи ҳокимияти давлатии шаҳри Душанбе сарфароз гардонида шуда, соҳиби роҳхат ба даври ниҳоӣ, яъне даври ҷумҳуриявии Озмуни «Тоҷикистон — Ватани азизи ман» мегарданд.

Ёдовар мешавем, ки даври дуюми Озмуни ҷумҳуриявии «Тоҷикистон — Ватани азизи ман» аз 5 то 10 октябр дар шаҳри Хоруғи ВМКБ, аз 12 то 15 октябр дар шаҳри Хуҷанди вилояти Суғд, аз 16 то 20 октябр дар шаҳри Бохтари вилояти Хатлон, аз 21 то 25 октябр дар шаҳри Душанбе ва аз 21 то 25 октябр дар шаҳру ноҳияҳои тобеи ҷумҳурӣ (шаҳри Ҳисор) баргузор мегардад.

Бояд гуфт, ки  бо мақсади сазовор истиқбол гирифтани ҷашни 30-солагии Истиқлоли давлатии Ҷумҳурии Тоҷикистон соли дуюм аст, ки бо Амри Президенти Ҷумҳурии Тоҷикистон дар мамлакат Озмуни ҷумҳуриявии «Тоҷикистон-Ватани азизи ман» баргузор карда мешавад. Ҷиҳати амалӣ кардани озмуни мазкур аз ҳисоби маблағҳои фонди захиравии Президенти Ҷумҳурии Тоҷикистон 2 140 000 (ду миллиону яксаду чил ҳазор) сомонӣ ба таври нақд ҷудо гардидааст.

Ҳадаф аз баргузории озмун-ин дарёфти истеъдодҳои нави соҳаи санъат, рушди минбаъдаи малакаву маҳорати касбии онҳо, баланд бардоштани мақому маҳорати касбӣ, тақвият бахшидан ба касбияти баланди ҳунари иҷрокунандагӣ ва эҷоди асарҳои нави мусиқӣ, дарёфти беҳтарин намунаҳои оҳанг ва сурудҳои тараннумгари дастовардҳои замони Истиқлолияти давлатӣ, саҳми Президенти Ҷумҳурии Тоҷикистон дар бунёди давлатдории навини тоҷикон ва тарғибу ташвиқи анъанаҳои арзишманди миллию мероси пурғановати ниёгон мебошад.

Октябрь 21, 2020 14:06

Хабарҳои дигари ин бахш

Дар Душанбе бахшида ба Рӯзи Модар барномаи пуршукуҳи фарҳангӣ баргузор шуд
Бахшида ба Рӯзи Модар дар шаҳри Душанбе хатсайри сайёҳӣ ташкил гардид
Барои дарёфти стипендияҳои Раиси шаҳри Душанбе озмун эълон гардид
Барои муҳаққиқони ҷавон Ҷоизаи Раиси шаҳри Душанбе таъсис ёфт
Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» 19 март баргузор мешавад
Иҷлосияи якуми Маҷлиси вакилони халқи шаҳри Душанбе, даъвати ҳафтум баргузор мегардад
Дар Душанбе даври ҷумҳуриявии Фестивали «Сад ранги чакан» баргузор мегардад
Раиси Маҷлиси миллии Маҷлиси Олӣ, Раиси шаҳри Душанбе Рустами Эмомалӣ дар участкаи интихоботии №15-и ноҳияи Исмоили Сомонии шаҳри Душанбе овоз доданд
Дар Душанбе даври шаҳрии Фестивали «Сад ранги чакан» ва намоиш-фурӯши маҳсулоти чакандӯзӣ баргузор шуд
Дар чор ноҳияи шаҳри Душанбе 70 ҳавза ва 250 участкаи интихоботӣ таъсис дода шудааст
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ». Бо ҷалби 13 ҳазор афсару сарбоз маросими ҷоизасупории ин фестивал доир гардид
Бахшида ба Рӯзи Қувваҳои Мусаллаҳ барои сарбозон саёҳат ба мавзеъҳои сайёҳии шаҳри Душанбе ташкил карда шуд