Бо волонтёрони участкаҳои ҳавзаи №3-и ноҳияи Шоҳмансур мулоқот доир гардид
ДУШАНБЕ, 09.10.2020 /АМИТ «Ховар»/. 8 октябр дар Донишгоҳи миллии Тоҷикистон мулоқоти муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилноза Аҳмадзода бо волонтёроне, ки дар участкаҳои ҳавзаи №3-и ноҳияи Шоҳмансури шаҳри Душанбе 11 октябри соли 2020 хизмат мерасонанд, доир гардид.
Дилноза Аҳмадзода иброз дошт, ки Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамчун мақоми татбиқкунандаи Қонуни Ҷумҳурии Тоҷикистон «Дар бораи рушди фаъолияти волонтёрӣ дар Ҷумҳурии Тоҷикистон» бо мақсади дар сатҳи баланд доир гардидани интихоботи навбатии Президенти Ҷумҳурии Тоҷикистон дар якҷоягӣ бо Комиссияи марказии интихобот ва раъйпурсии Ҷумҳурии Тоҷикистон барои ҳар участкаи интихоботӣ дар мамлакат волонтёрон омода намудааст, ки дар раванди интихоботи навбатии президентӣ хизмати иҷтимоии ройгон мерасонанд.
Фаъолияти волонтёрон дар участкаҳои интихоботӣ бо мақсади хизматрасонии ройгон ба интихобкунандагон ба роҳ монда шуда, дар ин замина волонтёрон дар раванди интихоботи навбатии Президенти Ҷумҳурии Тоҷикистон таҷриба ва маҳорати худро дар ин самт такмил медиҳанд.
Кумитаи кор бо ҷавонон ва варзиш барои хизмат расонидан дар интихоботи Президенти Ҷумҳурии Тоҷикистон дар тамоми шаҳру ноҳияҳои ҷумҳурӣ зиёда аз 10 ҳазор нафар волонтёрон омода намудааст.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
