Ду донишгоҳи олии маъруфи Тоҷикистон бо котиботи Шӯрои АБП ИДМ шартномаҳои ҳамкорӣ имзо намуданд
ДУШАНБЕ, 09.10.2020 /АМИТ «Ховар»/. Донишгоҳи миллии Тоҷикистон ва Академияи идоракунии давлатии назди Президенти Ҷумҳурии Тоҷикистон 8 октябр дар Душанбе бо Котиботи Шӯрои Ассамблеяи байнипарлумонии (АБП) Иттиҳоди Давлатҳои Мустақил (ИДМ) шартномаҳои ҳамкорӣ имзо намуданд. Дар ин бора ба АМИТ «Ховар» аз маркази матбуоти АБП ИДМ иттилоъ доданд.
Созишномаи байни Донишгоҳи миллии Тоҷикистон ва Котиботи Шӯрои Ассамблеяи байнипарлумонии Иттиҳоди Давлатҳои Мустақил шаклҳои гуногуни ҳамкорӣ, аз ҷумла иштирок дар таҳияи санадҳои қолабии қонунгузорӣ, арзёбии коршиносии онҳо, баргузории конфронсҳои илмӣ-амалӣ, симпозиумҳо, семинарҳо ва дигар чорабиниҳои вобаста ба масъалаҳои қобили таваҷҷуҳи тарафайнро пешбинӣ менамояд.
Дмитрий Кобитский, дабири кулли Шӯрои АБП ИДМ аз оғози ҳамкорӣ истиқбол ва изҳори умедворӣ кард, ки онҳо фаъолона сурат хоҳанд гирифт.
Ректори донишгоҳ Қобилҷон Хушвахтзода низ аҳамияти имзои созишномаро барои донишгоҳ зикр ва иброз кард, ки ҳамкорӣ бо созмони байналмилалӣ, ки дар фазои ИДМ фаъолият мекунад, имконоти нави рушди муколамаи илмиро бо мутахассисони кишварҳои дигар фароҳам месозад.
Созишномаи имзонамудаи Академияи идоракунии давлатии назди Президенти Ҷумҳурии Тоҷикистон ва котиботи Шӯрои АБП ИДМ ҳамкориро дар самти гузаронидани таҳқиқоти илмӣ оид ба масъалаҳои мубрами қонунгузории қолабии АБП ИДМ, мусоидат дар рушди принсипҳои демократӣ ва шаклҳои парламентаризм дар давлатҳои Иттиҳод, ташаккули фазои ягонаи таълимии Иттиҳод, коркард ва татбиқи барномаҳои илмӣ, омӯзишӣ ва фарҳангӣ пешбинӣ менамояд.
Созишномаро ректори Академия Абдухалил Ғафурзода ва дабири кулли Шӯрои АБП ИДМ Дмитрий Кобитский имзо карданд.
Бояд зикр кард, ки Дмитрий Кобитский дар ҳайати гурӯҳи нозирони байналмилалӣ аз АБП ИДМ, ки интихоботи Президенти Ҷумҳурии Тоҷикистонро назорат мекунад, дар Душанбе қарор дорад.
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
