«Оила — рукни муҳими пойдории ҷомеа» — таҳти ин унвон дар Душанбе ҳамоиш доир гардид

Октябрь 3, 2020 11:00

ДУШАНБЕ, 03.10.2020/АМИТ «Ховар»/. «Оила — рукни муҳими пойдории ҷомеа» — таҳти чунин унвон дар Академияи идоракунии давлатии назди Президенти Ҷумҳурии Тоҷикистон дар ҳамкорӣ бо Раёсати кор бо занон ва оилаи мақомоти иҷроияи ҳокимияти  давлатии шаҳри Душанбе ҳамоиш доир гардид, ки ҳадафи он баланд бардоштани тафаккуру андешаи наҷиби асолати оиласолорӣ ва ҳифзи ифтихор ба муқаддасоти оиладорӣ  дар ҷомеа  мебошад.

Дар ҳамоиш ноиби Ректори Академияи идоракунии давлатии назди Президенти Ҷумҳурии Тоҷикистон Зулфия Аҳмадзода, муовини раиси Кумитаи кор бо занон ва оилаи назди Ҳукумати Ҷумҳурии Тоҷикистон Умеда Абдуллозода, сардори Раёсати кор бо занон ва оилаи мақомоти иҷроияи ҳокимияти давлатии шаҳри Душанбе Заррина Зуҳурова, собиқадори ҲХДТ ва соҳаи хизмати давлатӣ Марҳабо Ҷабборӣ, инчунин донишҷӯёну магистрантон иштирок намуданд.

Зикр шуд, ки оила рукни муҳими пойдори ҷомеа буда, таҳти ҳимояи давлат қарор дорад. Ҳукумати Ҷумҳурии Тоҷикистон ба масъалаи оила таваҷҷуҳи хосса зоҳир намуда, дар ин радиф пайваста тадбирҳои судманд роҳандозӣ месозад. Таъкид гардид, ки оила дар фарҳанги мардуми тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбанд. Танзими оила, пеш аз ҳама, ҳифзи саломатии занону модарон, баланд бардоштани сатҳи маърифат ва таҳкими мавқеи онҳо дар ҷомеа, инчунин тарбияи насли солим ва ташкили оқилонаи оила мебошад.

Зикр шуд, ки пеш аз ҳама, маърифати оиладориро миёни ҷавонону навхонадорон бояд баланд бардошт. Аҳли ҷомеа, бахусус пирони таҷрибаандӯхтаву рӯзгордида, аҳли зиё, омӯзгорон ва доираҳои дигари ҷомеа бо мақсади омода кардани ҷавонон ба ҳаёти мустақилона, пешгирии пошхӯрии оилаҳо, никоҳи хешутаборӣ корҳои тарбиявию таблиғотиро дар байни аҳолӣ бояд васеъ ба роҳ монанд. Волидон бо ҳисси баланди масъулиятшиносӣ ба тарбияи фарзандони худ, беш аз ҳарвақта эътибори ҷиддӣ диҳанд, маърифати оиладорӣ, маданияту одоби муошират омӯзонанд, то онҳо Тоҷикистони соҳибистиқлолро бо ақлу дониш, фарҳангу маърифат ва ҷаҳонбиниву ҷаҳоншиносии худ ба давлати пешрафта ва шукуфо табдил диҳанд.

Раёсати кор бо занон ва оилаи мақомоти иҷроияи ҳокимияти давлатии шаҳри Душанбе дар самти пешгири пошхӯрии оилаҳои ҷавон пайваста бо оилаҳои осебпазир суҳбату вохӯриҳо анҷом медиҳад. Инчунин ба муроҷиаткунандагону ҷабрдидагон пайваста маслиҳатҳои равонию ҳуқуқии ройгон мерасонад ва онҳоро зери назорати доимӣ қарор медиҳад. Ҳамчунин дар назди раёсат ҳуҷраи равоншиносону ҳуқуқдонҳо фаъолият намуда, ҳамарӯза ба шаҳрвандон ёрии амалӣ  расонда истодааст.

Гузаронидани чунин ҷамъомадҳо, пеш аз ҳама, ба баланд бардоштани фарҳанги оиладорӣ, либоспӯшии ҷавондухтарон, эҳёи суннатҳои миллии аҷдодӣ, пешгирӣ аз никоҳи барвақтӣ, пошхӯрии оилаҳои ҷавон,  ҷилавгирии ҷавонон аз шомил шудан ба равияҳои номатлуб ва ҳаракатҳои тундгаро мусоидат  менамояд.

Октябрь 3, 2020 11:00

Хабарҳои дигари ин бахш

Кумитаи Иҷроияи Марказии ҲХДТ ба Муассисаи давлатии «Истиқлол» маводи доруворӣ тақдим намуд
Намояндагони Тоҷикистон дар форуми фосилавии Рӯзи ҷаҳонии кӯдак иштирок намуданд
Дар Душанбе доир ба татбиқи Ҳадафҳои рушди устувор дар соҳаи тандурустӣ ҳамоиш доир гардид
Доир ба масъалаҳои татбиқи фаъолияти марказҳои дастгирии оила ва кӯдак тибқи низомномаи нав ҳамоиш доир шуд
«IRS»: Бе омодагие, ки фасли сармо тақозо дорад ва бо мошинҳое, ки тири пешбар надоранд, ба роҳ набароед!
БДА ба ронандагони воситаҳои нақлиёте, ки ба минтақаҳои кӯҳӣ ба сафар мебароянд, ҳушдор медиҳад
Ҷамолиддин Абдуллозода дар «Саммити навоварӣ барои саломатӣ» ба таври онлайн иштирок намуд
Дар пойтахт дар партави Муроҷиатномаи Раиси шаҳри Душанбе 2500 бех ниҳоли сӯзанбарг шинонида мешаванд
Олимони немис маҳсулоти табииеро, ки COVID-19-ро маҳв мекунад, номбар карданд
Гурӯҳи кории Вазорати тандурустӣ ва ҳифзи иҷтимоии аҳолӣ дар Суғд гаштҳои хонагӣ анҷом доданд
«Президент — кафили зиндагии шоиста»-бардошт аз конференсияи ҷумҳуриявӣ бахшида ба Рӯзи Президент
Дар Саридораи геология бахшида ба Рӯзи Президенти Тоҷикистон ҷаласаи тантанавӣ доир шуд