Пешвои миллат Эмомалӣ Раҳмон Муассисаи таҳсилоти томактабӣ ва Гимназияи хусусии «Ҳиммат»-ро дар ноҳияи Рӯдакӣ мавриди истифода қарор доданд

Октябрь 1, 2020 09:00

ДУШАНБЕ, 01.10.2020 /АМИТ «Ховар»/. 1 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ дар ноҳияи Рӯдакӣ Муассисаи таҳсилоти томактабӣ ва Гимназияи хусусии “Ҳиммат”-ро, ки дар деҳаи Гулпарвари деҳоти Чимтеппа ҷойгир аст, мавриди истифода қарор доданд. 

Иттилоъ дода шуд, ки сохтмони бинои Муассисаи таҳсилоти томактабӣ ва Гимназияи хусусии “Ҳиммат” аз ҷониби соҳибкор Саидҷалол Ғайратов моҳи январи соли 2020 дар масоҳати 0,24 гектар бо харҷи 3 миллиону 500 ҳазор сомонӣ оғоз гардида, дар муҳлати кӯтоҳ бо сифати баланд анҷом дода шудааст.

Бинои навбунëди Гимназияи хусусии “Ҳиммат” аз 3 ошëна иборат буда, бо муҳайë кардани 40 ҷойи кории нав ва дар як баст бо фарогирии то 500 нафар хонанда ба таҳсил пешбинӣ шудааст.

Гимназияи хусусии “Ҳиммат” дорои 34 синфхонаи таълимии муҷаҳҳаз бо муосиртарин асбобу аëнияти хониш, ду утоқи кории ҳайати омӯзгорон ва толори барҳавои варзишӣ буда, барои хонандагон шароити арзандаи таҳсил фароҳам мебошад.

Бинои муассисаи томактабӣ иборат аз чор гурӯҳ барои ба тарбия фаро гирифтани 100 нафар кӯдак бунёд гардидааст, ки дорои шароити муосири таълиму тарбия мебошад.

Синфхонаи таълимӣ, ҳуҷраи хоб, толори бозӣ ва ҳуҷраи машғулияти кӯдакон дар муассисаи томактабии мазкур мутобиқ ба завқу инкишофи тафаккури кӯдакон ҷиҳозонида шуда, барои онҳо воситаҳои дилхушӣ низ муҳайё мебошад.

Президенти мамлакат муҳтарам Эмомалӣ Раҳмон аснои шиносоӣ ба шароити фароҳамовардаи таълиму тарбия дар ин муассисаи томактабӣ  баҳои баланд доданд ва таъкид намуданд, ки бо истифода аз имконоти мавҷуда ба тарбияи кӯдакон  ва омодасозии томактабии онҳо таваҷҷуҳи  бештар зоҳир намоянд.

Пешвои миллат зимни суҳбати озоду самимӣ бо хонандагон таъкид намуданд, ки ҳарчи бештар ба омӯзиши фанҳои дақиқ, забонҳои хориҷӣ ва технологияи муосири компютерӣ рӯй оварда, донишу малакаи хешро беш аз ҳар вақти дигар сайқал диҳанд.

Дар иртибот ба солҳои 2020-2040 “Бистсолаи омӯзиш  ва рушди илмҳои табиатшиносӣ, дақиқ ва риëзӣ дар  соҳаи илму маориф” Сарвари давлат муҳтарам Эмомалӣ Раҳмон ба масъулон дастур доданд,  ки дар ин самт бо истифода аз шароиту имконоти мавҷуда тадбирҳои муҳиму саривақтӣ андешанд.

Барои ба таҳсил фаро гирифтани хонандагону тарбиятгирандагони муассисаи таҳсилоти томактабӣ ва Гимназияи хусусии “Ҳиммат” омӯзгорон ва мураббияҳои соҳибтаҷриба ҷалб гардида, ҷараёни донишандӯзи мутобиқ ба талаботи замони муосир ба роҳ монда шудааст.

Дар ноҳияи Рӯдакӣ дар даврони соҳибистиқлолӣ дар доираи татбиқи нақшаи чорабиниҳои ободонию бунёдкорӣ ҷиҳати таъмини рушди соҳаи маориф аз ҳисоби маблағҳои давлатӣ, соҳибкорон ва шахсони саховатпеша 10 муассисаи нави таълимӣ, 104 синфхонаи иловагӣ бо 6,5 ҳазор ҷойи нишаст ва 16 муассисаи таҳсилоти томактабӣ бо фарогирии 2376 нафар кӯдак мавриди истифода қарор гирифтаанд.

Ифтитоҳи Муассисаи таҳсилоти томактабӣ ва Гимназияи хусусии “Ҳиммат” дар ноҳияи Рӯдакӣ 01.10.2020

Октябрь 1, 2020 09:00

Хабарҳои дигари ин бахш

РУШДИ ДЕҲОТ. Сокинони деҳаи Навдеи шаҳри Норак 750 метр роҳро мумфарш намуданд
Дар шаҳри Кӯлоб 1300 метр роҳ мумфарш карда мешавад
Озмуни «Роғун – нурбахши роҳи фардои Ватан» баргузор мегардад
35-СОЛАГИИ ИСТИҚЛОЛИ ДАВЛАТӢ. Дар 25 иншооти ҷашнии ноҳияи Тоҷикобод корҳои сохтмонӣ идома доранд
Суханронии Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Фаронса Эммануэл Макрон мулоқот намуданд
Дар Бохтар бинои нави Беморхонаи бемориҳои дил ва маркази эндокринология сохта мешавад
Президенти Ҷумҳурии Тоҷикистон Эмомалӣ Раҳмон бо Сарвазири Шоҳигарии Камбоҷа Ҳун Манет мулоқот намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Президенти Ҷумҳурии Тоҷикистон Эмомалӣ Раҳмон бо сафари корӣ вориди шаҳри Нитсаи Ҷумҳурии Фаронса шуданд