Ёвон: волидоне, ки ду ва зиёда писарони онҳо дар сафи Артиши миллӣ хизмат мекунанд, қадрдонӣ шуданд

Октябрь 5, 2020 16:23

 ЁВОН, 05.10.2020 /АМИТ «Ховар»/. Мақомоти иҷроияи ҳокимияти давлатии ноҳияи Ёвон дар арафаи даъвати тирамоҳии ҷавонон барои дар назди Ташкилоти ҷамъиятии мададгори мудофиа таҳсил намудан ва соҳиби шаҳодатномаи ронандагӣ гаштани 140 нафар ҷавонон саҳм гузошт, ки як қисмати онҳо имрӯз ихтиёрӣ ба хизмати ҳарбӣ мераванд. Чунин гуфта шуд дар маросими гусели наваскарон ба сафи Қувваҳои Мусаллаҳи Ҷумҳурии Тоҷикистон, ки дар боғи «Фароғат»-и шаҳраки Ёвон бо иштироки раиси ноҳия, намояндагони мақомоти ҳифзи ҳуқуқ,  волидайни даъватшавандагону ҷавонон баргузор гардид.

Дар ҷараёни ҳамоиш ба даъватшавандаҳое, ки ройгон дар курсҳои ронандагии назди Ташкилоти мададгори мудофиа ва шуъбаи Агентии меҳнат ва шуғли аҳолӣ таҳсил кардаанд, шаҳодатномаҳо супорида шуданд.

Дар ҳамоиши тантанавӣ инчунин волидоне, ки ду ва зиёда писарони онҳо дар сафи Артиши миллӣ хизмат мекунанд, барои тарбияи шоистаи фарзандон дар рӯҳияи ватандӯстӣ бо сипосномаҳои раиси ноҳияи Ёвон қадрдонӣ карда шуданд.

Дар маросим раиси ноҳия Ҷамшед Саидзода иқдоми сарбозони ояндаи Ватанро шоистаи таҳсин хонда, гуфт, ки “ҷавононе, ки ҳоло бо эҳсоси шуълавари муҳаббати зодгоҳ дар ин майдон ҷамъ омадаанд, аз ҷумлаи нафарони ҷасоратманди ноҳияи Ёвон мебошанд, ки даъвати Ватани худро ба ҷону дил пазируфта, хизмати ҳарбиро ихтиёр кардаанд. Иқдоми шоистаи ин ҷавонони далер умеду бовариро ба қудрати тавонои Тоҷикистони азиз бештар намуда, сабаби таҳкиму тақвияти сулҳу субот ва ваҳдати миллӣ дар сарзамини муқаддаси мо мегардад”.

Ҳамоиши пуршукӯҳи ҷавонони ноҳияи Ёвон гувоҳи он буд, ки онҳо хизмат ба Ватан ва гузаштан аз мактаби мардонагиро барои худ мояи шараф ва ифтихор медонанд.

Октябрь 5, 2020 16:23

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»