60 нафар кормандони милитсия бо нишони сарисинагии «Аълочии Хадамоти давлатии «Муҳофиза» қадрдонӣ шуданд

Ноябрь 10, 2020 10:38

ДУШАНБЕ,  10.11.2020. /АМИТ «Ховар»/. Дар Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистон Рӯзи милитсияи тоҷик ботантана таҷлил гардид. Зимни он  20 нафар кормандони Хадамоти мазкур барои хизматҳои шоён дар мақомоти корҳои дохилӣ бо нишони сарисинагии «Аълочии милитсия», медалҳои «Садоқат», «Милитсияи тоҷик», «Хизмати шоён», дараҷаҳои 1, 2 ва 3, «Сипоснома» ва «Ифтихорнома» қадрдонӣ гардиданд. Инчунин 60 нафар кормандони ниҳод бо нишони сарисинагии «Аълочии Хадамоти давлатии «Муҳофиза» қадрдонӣ шуданд. Дар ин бора хабарнигори АМИТ «Ховар» бо истинод ба маркази матбуоти Хадамоти давлатии «Муҳофиза»-и Вазорати корҳои дохили Ҷумҳурии Тоҷикистон иттилоъ медиҳад.

Сардори Хадамоти давлатии «Муҳофиза», полковники милитсия Анварҷон Ализода зикр дошт, ки  маҳз матонату устуворӣ, шуҷоату мардонагӣ ва ҳисси баланди масъулиятшиносии кормандони милитсия дар таъмини ҳифзи ҳуқуқу озодиҳои шаҳрвандон, сулҳу осоиш ва амнияти мақомоти ҳокимияти давлатӣ буд, ки ин санаи таърихӣ ҳоло бо шукӯҳу шаҳомати хосса ҷашн гирифта мешавад. Кормандони Хадамоти давлатии «Муҳофиза» ҳангоми баргузории чорабиниҳои муҳими сиёсию давлатӣ баҳри ҳифзи тартиботи ҷамъиятӣ, муҳофизати иншооти муҳим ва махсусан муҳим, таъмини волоияти қонун ва амнияти шаҳрвандон шабонарӯзӣ хизмат менамоянд.

Кормандони милитсия дар мубориза бо дастаҳои муташаккили ҷинояткор, гурӯҳҳои террористӣ, экстремистӣ ва нашъаҷаллоб фаъолнокӣ нишон дода, дар таъмини волоияти қонун ва ҳифзи дастовардҳои Тоҷикистони соҳибистиқлол саҳми арзанда мегузоранд.
Сардори хадамот бо боварӣ изҳор намуд, ки ҳайати шахсии Хадамоти давлатии «Муҳофиза» минбаъд низ масъулияти вазифавии хешро бо сарбаландӣ иҷро намуда, уҳдадориҳои хизматиро содиқона ба ҷо меоранд.

Ноябрь 10, 2020 10:38

Хабарҳои дигари ин бахш

НАҚЛИЁТИ «САБЗ». Ба Тоҷикистон 6047 мошини барқӣ ворид карда шудааст
Кӯчати мағзи устухон дар ҳолати саратони хун ва бемориҳои гематологӣ дар шабакаи клиникаҳои «Acıbadem»
Имрӯз дар шаҳри Душанбе ҳаво то 31 дараҷа гарм мешавад
Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд
Дар Ҳисор маҳфил – озмуни «Тоҷикистони ман!» оғоз гардид
Имсол дар Хатлон қариб 500 ҳазор тонна пиёз ҷамъоварӣ карда мешавад
Дар шаҳраки Обшорони ноҳияи Мастчоҳ татбиқи лоиҳаи обрасонӣ оғоз ёфт
Имрӯз дар водиҳои Тоҷикистон ҳаво то 34 дараҷа гарм мешавад
ҲАФТАИ ИЛМ – 2025. Донишгоҳи байналмилалии сайёҳӣ ва соҳибкории Тоҷикистон аз муҳимтарин дастовардҳо натиҷагирӣ намуд
Дар ноҳияи Рӯдакӣ дурнамои кишти чигит сари вақт иҷро мегардад
Имрӯз дар Тоҷикистон ҳаво то 30 дараҷа гарм мешавад
Ба кодексҳои ҷиноятӣ ва маъмурии Тоҷикистон вобаста ба истифодаи барқ тағйиру иловаҳо ворид шуд