Дар деҳаи Зарқалъаи шаҳри Кӯлоб соҳибкор майдончаи муосири футбол бунёд намуд
КӮЛОБ, 14.11.2020. /АМИТ «Ховар»/. Бахшида ба 30-солагии Истиқлоли давлатии Ҷумҳурии Тоҷикистон дар деҳаи Зарқалъаи Ҷамоати деҳоти Зиракӣи шаҳри Кӯлоб аз ҷониби соҳибкор Саид Саидов майдончаи муосири футболи хурд сохта шуд, ки он мавриди баҳрабардорӣ қарор гирифт.
Тавре хабарнигори минтақавии АМИТ “Ховар” хабар медиҳад, дар маросими ба истифода додани майдончаи мазкур муовини раиси шаҳри Кӯлоб Орзу Ҳамидов ва дигар меҳмонон сокинони ҷамоат, бахусус ҷавононро бо ба истифода супоридани иншооти варзишӣ табрик гуфта, иброз доштанд, ки дар оянда аз ҳисоби ҷавонони ин ҷамоат дастаи мунтахаб ташкил ёфта, дар мусобиқаҳои сатҳи шаҳрию вилоятӣ ва ҷумҳуриявӣ ширкат хоҳад варзид.
Бо фароҳам омадани шароит бахши ҷавонон ва варзиш дар ин майдонча ва толорҳои варзишӣ миёни ҷавонон мусобиқаҳои гуногун роҳандозӣ менамояд. Давоми ду ҳафта дар Ҷамоати деҳоти Зиракӣ байни ҷавонони деҳаҳо мусобиқаи футболи хурд доир гардиданд, ки марҳилаи ниҳоии он дар майдончаи навбунёд баргузор карда шуд.
Бозии финалӣ барои ишғоли ҷои аввал байни дастаҳои ҷавонони деҳаи Зарқалъа ва Сарёзии Боло хеле шавқовар ва бо ҳуҷуми паиҳам идома ёфт. Дар қисмати аввали бозӣ то танаффус футболбозон ба дарвозаҳои ҳамдигар сеголӣ заданд. Дар қисмати дуюм футболбозони деҳаи Сарёзии боло бартарӣ нишон дода, ду маротибаи дигар дарвозаи ҳарифонашонро рахна карданд. Ҳамин тавр бозӣ бо ҳисоби 5 бар 3 ба фоидаи дастаи Сарёзии боло анҷом ёфт.
Дар охир бахши ҷавонон ва варзиш дар якҷоягӣ бо роҳбарони ҷамоати деҳот ва соҳибкорон ба ғолибон медалу ифтихорнома ва ҷом супориданд.
Ёдовар мешавем, ки соли равон дар Ҷамоати деҳоти Зиракӣи шаҳри Кӯлоб якчанд иншооти мавриди ниёзи мардум, аз ҷумла иншооти варзишӣ бо ҷалби маблағҳои ҳокимияти давлатӣ ва соҳибкорони маҳаллӣ мавриди истифода қарор гирифтанд.
Акс аз бойгонӣ
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
