Дар Душанбе усулҳои муосири ҷарроҳии кӯдакона ва масъалаҳои табобати интенсивӣ баррасӣ шуданд
ДУШАНБЕ, 26.11.2020 /АМИТ «Ховар»/. Имрӯз дар Донишкадаи таҳсилоти баъдидипломии кормандони соҳаи тандурустии Ҷумҳуриии Тоҷикистон Анҷумани 3-юми ҷарроҳон, анестезиологҳо ва эҳёгарони кӯдаконаи Ҷумҳурии Тоҷикистон таҳти унвони «Усулҳои муосири ҷарроҳии кӯдакона ва масъалаҳои табобати интенсивӣ: дастовард, мушкилот ва роҳҳои ҳалли онҳо» ба таври фосилавӣ доир гардид. Дар анҷуман муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода, сардори Раёсати ташкили хизматрасониҳои тиббӣ ба модару кӯдак ва танзими оилаи вазорат Зоир Набиев ва як гурӯҳ мутахассисони варзидаи соҳа иштирок намуданд.
Муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода иброз дошт, ки Анҷумани 3-юми ҷарроҳон, анестезиологҳо ва эҳёгарони кӯдаконаи Ҷумҳурии Тоҷикистон аҳамияти муҳим дорад, зеро масъалаҳое, ки дар ин анҷуман муҳокима мешаванд, ба боз ҳам беҳтар намудани хизматрасониҳои тиббӣ ва ҳифзи саломатии кӯдакон равона карда шудаанд.
«Давоми солҳои охир аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо олимон ва мутахассисони соҳа корҳои зиёде ба анҷом расонида шудаанд, ки ба мустаҳкам намудани заминаи моддӣ-техникӣ, ҷорӣ намудани усулҳои нави ташхису табобат, баланд бардоштани сифати хизматрасониҳо ва паст кардани сатҳи фавти кӯдакон равона шудаанд. Бо ташаббуси Вазорати тандурустӣ ва ҳифзи иҷтимоии аҳолии мамлакат дар шаҳрҳои Душанбе ва Хуҷанд ҷарроҳӣ намудани кӯдакони гирифтори нуқсонҳои модарзодии дил ба роҳ монда шудааст, ки ҳар сол даҳҳо нафар кӯдакони бемор ҷарроҳӣ карда мешаванд»,- зикр намуд номбурда.
Имрӯзҳо дар фаъолияти табибон усулҳои нави ҷарроҳӣ, ба монанди торакопластика бо усули наса, эзофагопластикаи навзодон, сфинктеропластика дар ҳолати норасоии сӯрохии маъқад, проктопластикаи трансаналӣ, истифодаи усулҳои эндоҷарроҳӣ дар урология ва батнӣ ва ғайра мисол шуда метавонанд, ки ба таври васеъ истифода бурда шуда, аз малакаи баланди касбии мутахассисони соҳа шаҳодат медиҳанд.
Дар сатҳи зарурӣ ба роҳ мондани хизматрасониҳои тиббию иҷтимоӣ ба аҳолӣ, алалхусус ба кӯдакон, паст кардани нишондиҳандаҳои беморшавӣ, маъюбӣ ва фавт яке аз самтҳои афзалиятноки соҳа ба ҳисоб меравад.
Дар натиҷаи ба роҳ мондани ҳамкории судманд зиёда аз 700 нафар мутахассисони соҳаи педиатрия, неонатология ва ҷарроҳии кӯдаконаи мамлакат дар Федератсияи Россия сатҳи дониш ва малакаи касбии худро баланд бардоштаанд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
