МУБОРАК БОД! Нависанда Тимур Зулфиқоров бо ҷоизаи «Ситораи Иттиҳод» сарфароз гардид
ДУШАНБЕ, 28.11.2020 /АМИТ «Ховар»/. Нависандаи русзабони Тоҷикистон Тимур Зулфиқоров бо ҷоизаи «Ситораи Иттиҳод», ки аз ҷониби Фонди байнидавлатии ҳамкории гуманитарии кишварҳои узви ИДМ (ФБҲГ) ва Шӯрои ҳамкории гуманитарии ИДМ таъсис ёфтааст, сарфароз гардонида шуд. Дар ин маросим, ки дирӯз, 27 ноябр дар шакли онлайн баргузор шуд, ғолибони ҷоизаи “Иттиҳоди дебютҳо” низ мукофотонида шуданд. Тарроҳи тоҷик Муҳаммадносир Абдуллоев яке аз гирандагони ин ҷоиза гардид. Дар ин бора АМИТ «Ховар» бо истинод ба сомонаи расмии ФБҲГ хабар медиҳад.
«Ҳамзамон тақдим кардани ҷоизаҳо ба устодон ва мутахассисони навкор басо рамзист, — иброз дошт зимни баромади хеш намояндаи махсуси Президенти Россия оид ба ҳамкории фарҳангии байналмилалӣ Михаил Швидкой. “Ин ҳадафи аслии ҳарду ҷоизаро ифода мекунад: ҳамгироии фарҳангҳо ва давомати наслҳо”
Барандагон ин мукофотҳоро на танҳо эътирофи хизматҳои шахсии худ арзёбӣ намуданд.
«Ситораи Иттиҳод» ҷоизаи асосии ИДМ барои дастовардҳои баландтарин дар соҳаи гуманитарӣ мебошад. Соли ҷорӣ намояндагони нӯҳ кишвар ба гирифтани он мушарраф гардиданд. Дар баробари Зулфиқоров, директори Осорхонаи миллии таърихи Озарбойҷон Наиля Велиханова, муаллими мусиқӣ ва дирижёр аз Арманистон Светлана Навасардян, кардиологи беларус Александр Мрочек, роҳбари бадеии Театри давлатии академии мусиқӣ ва драмавии Қазоқистон Талгат Теменов, профессори кафедраи химияи Донишгоҳи давлатии Қирғизистон Адилбек Молдошев ва директори Театри ҷавонони Кишинев «Аз кӯчаи садбаргҳо» («С улицы роз») Юрий Хармелин ба гирифтани ин ҷоиза сазовор дониста шуданд.
Ҷоизаи «Иттиҳоди дебютҳо» имсол ба мутахассисони ҷавон барои фаъолияташон дар самти «тарғиби китоб ва китобхонӣ» тақдим карда шуд. Бо ин ҷоиза шоир Саида Салаева (Озарбойҷон), китобдор Екатерина Ровдо (Беларус), журналист Ерлан Ҷунусов (Қазоқистон), донишҷӯ Акылбек уулу Бакай (Қирғизистон), тарҷумонҳо Диана Жалбэ (Молдавия) ва Евгения Баранова (Россия) ва тарроҳ Муҳаммадносир Абдуллоев (Тоҷикистон) сарфароз гардиданд.
Оркестри симфонии ҷавонони ИДМ таҳти роҳбарии Ҳунарманди халқии Россия Сергей Скрипка барои ҷоизадорон барномаи идонаи консертӣ пешкаш намуд.
Акс аз бойгонӣ
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
