СУТ изҳор намуд, ки ваксина пандемияи коронавирусро манъ намекунад

Ноябрь 17, 2020 11:48

ДУШАНБЕ, 17.11.2020 /АМИТ «Ховар»/. Ваксинаи зидди коронавирус наметавонад танҳо пандемияро боздорад, навиштааст раҳбари Созмони умумиҷаҳонии тандурустӣ (СУТ) Тедрос Адханом Гебрейесус дар саҳифаи Твиттери худ, хабар медиҳад АМИТ «Ховар».

«Аз оғози пандемияи COVID-19 мо медонистем, ки барои назорати пандемия ваксина зарур аст. Инро низ бояд фаҳмид, ки он афзори  дигарро такмил мекунад, аммо онҳоро иваз намекунад», — навиштааст Гебрейесус.

Вай илова кардааст, ки дар ибтидо дастрасӣ ба ваксина маҳдуд хоҳад буд, чунки барои дарёфти он духтурон, пиронсолон ва одамони гирифтори бемориҳои музмин афзалият хоҳанд дошт.

«Ман умедворам, ки ин шумораи фавтро коҳиш дода, имкон медиҳад, ки системаи тандурустӣ дар мубориза алайҳи он муваффақ бошад, аммо имконот ва роҳҳои тавсеаи вирус вуҷуд доранд», — огоҳ мекунад роҳбари СУТ.

Гебрейесус даъват кард, ки пас аз оғози эмгузаронӣ бо ваксина назорат, озмоишҳои тестӣ, алоҳида кардани мубталоёни беморӣ ва табобаташон, пайгирии тамосҳои онҳо ва карантин, инчунин ҷалби ҷомеаҳо ва афроди алоҳида ба мубориза бо паҳншавии ин беморӣ идома дода шавад.

Пандемияи коронавирус тақрибан тамоми ҷаҳонро фаро гирифтааст. Дар маҷмӯъ, беш аз 54 миллион нафар ба ин беморӣ мубтало шудаанд ва зиёда аз 1,3 миллион нафар ҷон бохтаанд. Аз ҳама зиёдтар ҳолатҳои сироятёбӣ дар Иёлоти Муттаҳида, Ҳиндустон ва Бразилия сабт шудаанд.

Дар Россия зиёда аз 1,9 миллион нафар аз ин вирус сироят ёфтаанд, ки тақрибан 1,45 миллион нафарашон табобат шудаанд. Зиёда аз 33 ҳазор нафар қурбони COVID-19 гардиданд. Дар шабонарӯзи гузашта тақрибан 23 ҳазор ҳолати нави сироятёбӣ аз коронавирус ошкор шудааст.

           ДАР АКС: Тедрос Гебрейесус (Акси: Denis Balibouse / Reuters)

Ноябрь 17, 2020 11:48

Хабарҳои дигари ин бахш

COVID-19. Дар Тоҷикистон 94,6% гирифторони коронавируси нав шифо ёфтанд
Шӯрои уламои Арабистони Саудӣ ташкилоти «Ихвон-ул-муслимин»-ро ҳамчун созмони террористӣ ва ғайридинӣ эътироф кард
ЯКЕ АЗ ШАСТУ СЕ НАФАР. Содир Ҷабборов номзадияшро ба мансаби президенти Қирғизистон пешниҳод кард
Ҷо Байден аз ҷиҳати шумораи зиёдтарини овозҳои ба номзад ба президенти ИМА додашуда рекорди Обамаро шикаст
Дар Австрия масҷидҳои радикалиро мебанданд
Теъдоди қурбониёни заминларзаи Туркия то 64 нафар афзуд
Фурӯ рехтани пул дар Чин. Ҳалокати ҳафт нафар бар асари он тасдиқ шудааст
Бори аввал дар ИМА доруи коронавирусро сабти ном намуданд
Тақрибан 20% одамони аз коронавирус шифоёфта пас аз ду моҳ ҷисмҳои бегонаи зидди уфунатро гум мекунанд — коршинос
ПРЕЗИДЕНТИ ҚИРҒИЗИСТОН ҲАЙАТИ НАВИ ҲУКУМАТРО ТАСДИҚ КАРД. Роҳбари Анҷумани тоҷикони кишвар муовини сарвазир таъйин шуд
Беш аз 180 давлат ба ташаббуси тақсими ваксинаи зидди коронавирус пайвастанд
ТАСС: Арманистон ва Озарбойҷон дар бораи оташбас дар Қарабоғи Кӯҳӣ ба мувофиқа расиданд