Таҳти роҳбарии муовини Сарвазири Тоҷикистон Усмоналӣ Усмонзода ҷаласаи Ситоди ҷумҳуриявӣ оид ба зимистонгузаронӣ доир гардид

Ноябрь 26, 2020 13:30

ДУШАНБЕ, 26.11.2020. /АМИТ «Ховар»/. 25 ноябр таҳти роҳбарии  муовини Сарвазири Ҷумҳурии Тоҷикистон Усмоналӣ Усмонзода ҷаласаи Ситоди ҷумҳуриявӣ оид ба иҷрои қарори Ҳукумати Ҷумҳурии Тоҷикистон аз 31 марти  соли 2020 “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021» баргузор гардида, дар он омодагии вилояти Суғд ба давраи зимистон мавриди баррасӣ қарор дода шуд.

Ҷаласаи мазкур тариқи видеоконфронс баргузор гардида, дар кори он намояндагони вазорату идораҳои соҳавӣ- аъзои Ситоди ҷумҳуриявӣ ва намояндагони соҳаҳои иҷтимоиву иқтисодии вилояти Суғд иштирок намуданд.

Дар қарори Ҳукумати Ҷумҳурии Тоҷикистон аз 31 марти  соли 2020  супоришу тадбирҳо вобаста ба ҳалли масъалаҳои омодагии соҳаҳои иқтисодиёт ва иҷтимоиёти ҷумҳурӣ ба мавсими тирамоҳу зимистони соли 2020-2021 дар 4 банд ва 42 зербанди Нақшаи чорабиниҳо пешбинӣ гардида, муҳлати иҷрои онҳо ва мақомоти иҷрокунанда ба таври мушаххас дарҷ гардидаанд.

Бо мақсади иҷрои Нақшаи  мазкур дар тамоми сохторҳои марбутаи ҷумҳурӣ, аз ҷумла вазорату идораҳо, мақомоти иҷроияи ҳокимияти давлатии вилоятҳо, шаҳри Душанбе ва шаҳру ноҳияҳои тобеи ҷумҳурӣ қарорҳои дахлдори дохилӣ ба тасвиб расида, ситодҳои фаврӣ таъсис ва нақшаи чорабиниҳои дахлдор тасдиқ карда шудаанд.

Дар асоси пешниҳодҳои вазорату идораҳо, мақомоти иҷроияи ҳокимияти давлатии вилоятҳо, шаҳри Душанбе ва шаҳру ноҳияҳои тобеи ҷумҳурӣ оид ба рафти иҷрои қарори зикргардида гузоришҳои ҷамъбастии ҳармоҳа ба Ҳукумати Ҷумҳурии Тоҷикистон манзур карда шудаанд.

Ҳамзамон бо мақсади омўзиши ҳолати воқеии ҷараёни иҷрои қарори мазкур тибқи супориши Ҳукумати Ҷумҳурии Тоҷикистон  Гурўҳи корӣ аз ҳисоби намояндагони вазорату идораҳои дахлдори соҳавӣ таъсис дода шуда, ба Вилояти Мухтори Кўҳистони Бадахшон, вилоятҳои Хатлон ва Суғд, ноҳияҳои тобеи ҷумҳрӣ ва шаҳри Душанбе сафари корӣ анҷом дода, аз ҷараёни иҷрои қарори болозикр ва омодагии соҳаҳои иқтисодиёту иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021, аз ҷумла дар муассисаҳои соҳаҳои маориф, тандурустӣ, фарҳанг, нақлиёт, корхонаҳои саноатӣ, хоҷагии манзилию коммуналӣ, раёсатҳои матлубот, шабакаҳои барқӣ ва ғайраро мавриди омўзиш қарор дода, гузоришҳои дахлдор ба Ҳукумати ҷумҳурӣ пешниҳод намудаанд.

Аз ҷониби Мақомоти иҷроияи ҳокимияти давлатии Вилояти Суғд ҷиҳати иҷрои қарори Ҳукумати Ҷумҳурии Тоҷикистон аз 31 марти соли 2020, қарори Раиси вилоят аз 21 апрели соли 2020 «Оид ба иҷрои қарори Ҳукумати Ҷумҳурии Тоҷикистон аз 31 марти соли 2020 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021» ба тасвиб расида, аз ҷониби сохторҳои марбута мавриди иҷро қарор дода шудааст

Зимни ҷаласа аз ҷониби масъулини Мақомоти иҷроияи  ҳокимияти давлатии Вилояти Суғд ҳисобот манзур гардида, дар ҷараёни ҷаласа муовини Сарвазир оид ба камбудиву мушкилиҳои ҷойдошта дар ҳар шаҳру ноҳия вобаста ба маблағгузорӣ барои хариди маводи сӯхт, захираи маводи озуқаворӣ ва зиддилағжиш ибрози назар карда шуд.

Дар охири ҷаласа муовини Сарвазир ба вазорату идораҳои дахлдор ва Мақомоти иҷроияи ҳокимияти давлатии вилояти Суғд  вобаста ба таъмини иҷрои нақшаи захира ва сари вақт омода намудани соҳҳахои мухталифи вилояти Суғд ба зимистонгузаронӣ супоришҳои қатъӣ дод.

Ноябрь 26, 2020 13:30

Хабарҳои дигари ин бахш

Тоҷикистон: Дар беш аз 590 ҳазор гектар шудгор гузаронида шудааст
РУШДИ КИРМАКПАРВАРӢ. Дар Ҷамоати деҳоти Саразми шаҳри Панҷакент 30 ҳазор бех ниҳоли тут шинонида шуд
Кишоварзони ноҳияи Абдураҳмони Ҷомӣ дар беш аз 8 ҳазор гектар пунбадона кишт менамоянд
Баҳодур Шерализода дар Самарқанд доир ба омодагӣ ба Конференсияи байналмилалии сатҳи баланд оид ба ҳифзи пиряхҳо маълумот дод
Дар шаҳри Душанбе иҷрои «Барномаи фишанги ҳамоҳангсозии сиёсат» баррасӣ гардид
Ҳаҷми гардиши савдои хориҷии Тоҷикистон ва Узбекистон соли 2024 1,74 маротиба зиёд гардид
Барномаи савдои электронӣ дар Тоҷикистон ба баланд бардоштани малакаи рақамию молиявии аҳолӣ ва соҳибкорон равона шудааст
Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст