ТАҚВИМИ АМИТ «ХОВАР»: имрӯз 15 ноябр, якшанбе, 320-умин рӯзи соли 2020 аст

Ноябрь 15, 2020 08:00

15 ноябри соли 2005 Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар Саммити ҷаҳонӣ оид ба ҷомеаи иттилоотӣ ба Ҷумҳурии Тунис сафар карданд.

***

86  сол муқаддам, 15 ноябри соли 1934 дар шаҳри Душанбе корхонаи мошинтаъмиркунӣ ба фаъолият оғоз намуд.

***

Дар ин рӯзи соли 1972 агрегати якуми Неругоҳи барқи обии «Норак» мавриди баҳрабардорӣ қарор дода шуд.

15 НОЯБР ТАҶЛИЛ КАРДА МЕШАВАД:

Рӯзи умумироссиягии даъватшавандагон.

***

Дар Бразилия- Рӯзи истиқлолият.

***

Дар Қазоқистон — Рӯзи асъори миллӣ.

***

Дар Фаластин – Рӯзи истиқлолият.

РӮЙДОДҲО:

15 ноябри соли 1946 Шӯрои Вазирони Тоҷикистони Шӯравӣ матн ва оҳанги Суруди миллии Тоҷикистони Шӯравиро (шеъри Абулқосим Лоҳутӣ ва оҳанги Сулаймон Юдаков) тасдиқ кард.

***

5 сол пеш, 15 ноябри соли 2015 АМИТ «Ховар» хабар дод, ки варзишгари тоҷик Акмалиддин Каримов дар Чемпионати ҷаҳон оид ба самбо  дар Марокаш медали нуқра ба даст овард.

***

Дар ин рӯзи соли 2018 Президенти Федератсияи байналмилалии футбол (ФИФА) Ҷанни Инфантино  дар як номаи худ ба унвони Президенти Федератсияи футболи Тоҷикистон Рустами Эмомалӣ дастаи футболи  «Истиқлол»-и Душанберо бо пирӯзиаш дар мусобиқаи чемпионати  футболи Тоҷикистон табрик кард

***

15 ноябри соли 1926 дар Ню-Йорк ширкати Эн-Би-Си пахши барномаҳояшро оғоз намуд.

***

64 сол пеш аз ин, 15 ноябри соли 1956 дар Миср қувваҳои ҳарбии СММ фуруд омаданд.

***

Дар ин рӯзи соли 1968 Конститутсияи нави Юнон ба амал баромад, ки озодии шахсро маҳдуд мекард.

***

15 ноябри соли 1993 дар Қазоқистон асъори миллии тенге ба муомилот бароварда шуд.

 ИНЧУНИН ДАР ИН РӮЗ…

Соли 2018 дар Душанбе нахустин машваратҳои сиёсӣ миёни Тоҷикистону Италия доир гардиданд.

 ***

Соли 1995 дар Тайиланд дарозтарин парчам дар ҷаҳон омода гардид, ки қариб 8 километр дарозӣ дошт.

Ноябрь 15, 2020 08:00

Хабарҳои дигари ин бахш