Вазири рушди иқтисод ва савдои Тоҷикистон дар 3-юмин Намоишгоҳи байналмилалии воридотии Чин иштирок намуд
ДУШАНБЕ, 06.11.2020 /АМИТ «Ховар»/. 4 ноябр Вазири рушди иқтисод ва савдои Ҷумҳурии Тоҷикистон Завқӣ Завқизода тариқи видеоконфронс дар маросими ифтитоҳи 3-юмин Намоишгоҳи байналмилалии воридотӣ (China International Import EXPO (CIIE)), ки таҳти роҳбарии Раиси Ҷумҳурии Мардумии Чин Си Ҷинпин баргузор гардид, иштирок намуд, хабар медиҳад АМИТ «Ховар» бо истинод ба Вазорати рушди иқтисод ва савдои ҷумҳурӣ.
Бояд тазаккур дод, ки бо шарофати сиёсати оқилона ва дурандешонаи роҳбарони ду кишвар Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин муносибатҳои ду кишвар ба сатҳи сифатан нав баромаданд.
Чин яке аз шарикони асосии стратегии Тоҷикистон буда, дар ҳаҷми умумии савдои хориҷии ҷумҳурӣ дар ҷои чорум мебошад. Дар 9 моҳи соли 2020 гардиши савдо байни ду кишвар 342,4 миллион доллари ИМА-ро ташкил дод. Дар соли 2019 гардиши савдои хориҷӣ бо Чин 660,9 млн. долларро ташкил дод.
Дар маросими мазкур сарони як қатор давлатҳо, аз ҷумла Ӯзбекистон, Покистон, Чили, Сербия, Испания, Папуа Гвинеяи Нав ва Африқои Ҷанубӣ, инчунин директорҳои генералии ташкилотҳои бонуфузи байналмилалӣ, аз қабили Созмони Умумиҷаҳонии Савдо (WTO), Конфронси СММ оид ба савдо ва рушд (UNCTAD), Созмони Умумиҷаҳонии Моликияти Зеҳнӣ (WIPO) ва Ташкилоти озуқавории ва кишоварзии СММ (UN FAO) ширкат варзиданд.
Маросими кушодашавиро Раиси Ҷумҳурии Мардумии Чин Си Ҷинпин ифтитоҳ намуда, зикр кард, ки Намоишгоҳи байналмилалии воридотӣ барои тақвияти ҳамкории иқтисодӣ, рушди тиҷорати байналмилалӣ ва муаррифии иқтидори саноатӣ дар соҳаҳои кишоварзӣ ва саноат мусоидат менамояд.
Дар намоишгоҳи мазкур зиёда аз 150 намояндагони давлатҳо ва зиёда аз 500 ширкату корхонаҳои азими ҷаҳон маҳсулоти худро муаррифӣ намуданд.
Тоҷикистон низ маҳсулоти худро дар ин намоишгоҳ пешниҳод намуд. Бояд тазаккур дод, ки аз ҷониби соҳибкорони Тоҷикистон дар 2 намоишгоҳи қаблӣ шартномаҳо ба маблағи зиёда аз 5 млн. доллари ИМА ба имзо расонида шуд.
АКС аз Вазорати рушди иқтисод ва савдои ҶТ
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
