Ҷамшед Ҷумъахонзода дар нишасти матбуотӣ бахшида ба Ҳафтаи байналмилалии тиҷорат дар ТАСС иштирок ва суханронӣ менамояд

ДУШАНБЕ, 02.12.2020 /АМИТ «Ховар»/. Имрӯз бахшида ба Ҳафтаи байналмилалии тиҷорат, ки дар Ҷумҳурии Бошқирдистон аз 8 то 11 декабри соли 2020 дар майдони ibw-bashkortostan.com доир мешавад, дар ТАСС нишасти матбуотии онлайнӣ баргузор мегардад. Нишаст соати 11:00 ба вақти Душанбе оғоз мешавад. Дар он раиси Палатаи савдо ва саноати Тоҷикистон Ҷамшед Ҷумъахонзода иштирок ва суханронӣ хоҳад кард.

Сарвазири Ҳукумати Ҷумҳурии Бошқирдистон Андрей Назаров, намояндаи махсуси Президенти Федератсияи Россия оид ба кор бо Созмони ҳамкории Шанхай (СҲШ) Бахтиёр Ҳакимов, котиби иҷроияи Шӯрои тиҷорати СҲШ Сергей Канавский, раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода доир ба консепсияи форум, барнома ва дигар чорабиниҳо ибрози андеша мекунанд.

Нишаст ба тарзи онлайн баргузор мешавад. Намояндагони ВАО метавонанд дар нишасти матбуотӣ бо аккредитатсияи қаблӣ фосилавӣ ширкат варзанд.

Пахши барнома дар вебсайти ТАСС дар саҳифаи эълонҳо, инчунин дар гурӯҳи Маркази матбуотии ТАСС дар Facebook дастрас хоҳад буд.