Сомонаи «Рисолат» бинобар алоқамандӣ бо СПИИ ҶИЭ аз тарафи Вазорати адлияи ИМА масдуд гардид
ДУШАНБЕ, 22.12.2020. /АМИТ «Ховар»/. Як расонае, ки бо забони тоҷикӣ матлаб нашр мекард, дар баробари 92 сомонае, ки муфаттишони амрикоӣ марбути созмонҳои ҷосусии Ҷумҳурии исломии Эрон донистаанд, аз ҷониби Вазорати адлияи Амрико масдуд шудааст, хабар медиҳад Радиои «Озодӣ».
Бино ба иттилои манбаъ, сомонаи “Рисолат” (risolattj.com), ки ба забони тоҷикӣ ва бо хати кириллӣ барои мухотабон дар Тоҷикистон матлаб нашр мекард, “зидди манофеи ИМА” унвон шудааст.
Дар ин торнамо ба ҷуз аз хабару гузоришҳо аз Тоҷикистону ҷаҳон, ки бо шеваи монанд ба расонаҳои расмии Эрон тақдим мешуданд, инчунин изҳороту муроҷиатҳои Ҳизби дар Тоҷикистон мамнӯъи наҳзати исломӣ низ пайдо мешуд.
Ҳеҷ гурӯҳ ё созмоне дар Эрон ва хориҷ аз он ба кӣ тааллуқ доштани ин сомонаро тасдиқ ё рад накардааст.
“Рисолат”, зоҳиран замоне таваҷҷӯҳи мақомоти амрикоиро ҷалб кард, ки пас аз кушта шудани Қосим Сулаймонӣ, генерали баландмақоми эронӣ ба маротиб фаъол шуд.
Қосим Сулаймонӣ, фармондеҳи нерӯҳои «Қудс»-и Сипоҳи посдорони Эрон рӯзи 3-юми январ бо дастури Доналд Трамп аз сӯи артиши Амрико дар наздикии фурудгоҳи Бағдод кушта шуд. Амрико Қосим Сулаймониро дар қатли садҳо сарбози амрикоӣ дар минтақа муттаҳам дониста, ӯро «террорист» эълон карда буд.
Пас аз кушта шудани Қосим Сулаймонӣ ин сомона ҳафтае даҳҳо матлаби зиддиамрикоӣ нашру паҳн мекард.
Дар санаде, ки сомонаи расмии Вазорати адлияи Амрико рӯзи 16-уми декабр нашр кардааст, ном ва домейнҳои ин сомонаҳо оварда шудаанд.
Арон Сюарт, муфатиши Бюрои тафтишоти Амрико, ки баромади ин сомонаҳоро таҳқиқ кардааст, дар шарҳи ин тасмим навиштааст, ин сомонаҳо аз сӯи Сипоҳи посдорони инқилоби исломии Эрон идора мешаванд ва матлабҳое, ки зидди манофеи Амрико нигаронида шудаанд, ба нашр мерасонанд.
Рӯйхати ин 92 сомона дар торнамои расмии Вазорати адлияи Амрико нашр шудааст ва дар миёни онҳо ба ҷуз аз risolattj.com ҳамчунон сомонаҳое ба мисли farhang-press.com, roushd.com низ ҳастанд, ки бо забони форсӣ дар бораи минтақаи Эрону Афғонистон ва Осиёи Миёна матлаб нашр мекарданд.
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
Ҷаласаи навбатии Шурои ҳамоҳангсозии мақомоти ҳифзи ҳуқуқи пойтахт баргузор шуд
