БОЗИҲОИ ОЛИМПӢ. Токио ба кишварҳо тавсия медиҳад, ки варзишгаронро 5 рӯз пеш аз оғози мусобиқаҳо фиристанд
ДУШАНБЕ, 14.12.2020 /АМИТ «Ховар»/. Кумитаи тадорукоти Бозиҳои олимпии Токио тадбирҳои нави мубориза бо коронавирусро дар Бозиҳо эълом кард. Яке аз роҳҳои мубориза бо сироятёбии варзишгарон ва шахсони расмӣ- ин кӯтоҳ кардани муҳлати будубоши онҳо дар Япония мебошад. Дар ин бора директори иҷроияи Кумитаи тадорукот Тосиро Муто хабар дод (ДАР АКС).
Ҳамин тариқ, ба кумитаҳои миллии олимпӣ, аз ҷумла Тоҷикистон, тавсия дода мешавад, ки варзишгаронро 5 рӯз пеш аз оғози мусобиқа ба Токио фиристанд ва ҳадди аксар пас аз ду рӯзи ба охир расидани баромадҳо онҳоро ба Ватан баргардонанд.
«Ин санад дар ҳамкории зич бо Комиссияи варзишгарони Кумитаи байналмилалии олимпӣ (КБО) таҳия шудааст. Он маҷмӯи асосии қоидаҳо барои ҳамаи 206 кумитаи миллии олимпӣ дар вақти будубошашон дар Япония хоҳад шуд. Ин комилан зарур аст, зеро барои мо кам кардани шумораи сокинони деҳаи олимпӣ ва иштирокчиёни маросим муҳим аст. Ҳамзамон мо намехоҳем, ки варзишгаронро аз ин таҷрибаи беназир маҳрум созем ва ба натиҷаҳои онҳо таъсири манфӣ расонем», — гуфт президенти КБО Томас Бах.
Бино ба гуфтаи ӯ, танҳо бо ҳамин роҳ метавон хатари сироятро кам кард.
Ёдовар мешавем, ки бинобар пандемияи коронавирус Бозиҳои олимпӣ дар Токио як сол мавқуф гузошта шуданд. Онҳо аз 23 июл то 8 августи соли 2021 аз рӯи 33 намуди варзиш баргузор мешаванд. Дар онҳо 12 500 нафар варзишгарон аз 205 кишвари ҷаҳон барои 339 маҷмӯи медалҳо мубориза мебаранд. 66 сол пас аз Бозиҳои олимпии соли 1964 пойтахти Япония бори дигар мизбони Бозиҳои тобистонаи олимпӣ хоҳад шуд.
Қаблан КБО санаи ниҳоии роҳхат ба марҳилаи муқаддимотии Бозиҳои олимпиро тасдиқ карда буд. Муҳлати охирини он 29 июни соли 2021 буда, муҳлати дархости варзишгарон 5 июли соли 2021 мебошад.
Дастаи олимпии Тоҷикистон дар рейтинги ҷоизадорони Олимпиадаи соли 2016 дар Рио-де-Жанейро бо як медали тилло, ки Дилшод Назаров ба даст оварда буд, дар ҷои 54-ум қарор гирифт. Ин нисбат ба ҷойе, ки дастаи мо дар Олимпиадаи соли 2012 дар Лондон ишғол карда буд, 25 зина болотар аст.
Тавре Кумитаи миллии олимпии Тоҷикистон хабар медиҳад, ҷаласаи Ассамблеяи генералии Кумита 29 декабри соли 2020 баргузор мегардад.
АКС аз AFP
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
