Дар Душанбе фаъолияти Фонди Авруосиёии муътадилгардонӣ ва рушд дар Ҷумҳурии Тоҷикистон барои солҳои 2021-2023 баррасӣ гардид
ДУШАНБЕ, 29.12.2020/АМИТ «Ховар»/. Дар Вазорати молияи ҷумҳурӣ зимни як нишаст лоиҳаи консепсияи «Афзалиятҳои миёнамуҳлати фаъолияти Фонди Авруосиёии муътадилгардонӣ ва рушд дар Ҷумҳурии Тоҷикистон барои солҳои 2021-2023» баррасӣ гардид.
Тавре аз Вазорати молия ба АМИТ «Ховар» хабар доданд, дар вазорат шарҳи портфели лоиҳаҳое, ки аз ҷониби Фонди Авруосиёии муътадилгардонӣ ва рушд дар Тоҷикистон татбиқ мегарданд, ба таври маҷозӣ доир гардид, ки дар он намояндагони вазорату идораҳои марбутаи мамлакат ва намояндагони блоки лоиҳакашии Фонд иштирок намуданд.
«Дар доираи шарҳ, оид ба амалишавии лоиҳаҳо дар соли 2020, татбиқи лоиҳаҳои нави афзалиятнок, омилҳое, ки ба татбиқи лоиҳаҳои амалишудаистода таъсиррасон мебошанд, ҳисобот пешниҳод гардид. Дар нишаст ҷонибҳо омодагии худро барои идомаи ҳамкории мутақобилан судманд дар самти татбиқи лоиҳаҳои нави афзалиятнок, ҳамзамон бо дар назардошти вокуниш ба пандемияи сирояти «COVID-19» ҷиҳати татбиқи Нақшаи амали якҷоя барои соли 2021 иброз намуданд, -афзуд манбаъ.
Бояд тазаккур дод, ки Фонди Авруосиёии муътадилгардонӣ ва рушд механизми молиявии минтақавӣ буда, соли 2009 аз ҷониби ҷумҳуриҳои Арманистон, Беларус, Қазоқистон, Қирғизистон, Тоҷикистон ва Федератсияи Россия таъсис дода шудааст. Самти фаъолияти Фонд барои бартарафсозии рафъи оқибатҳои буҳрони иқтисодӣ, таъмини устувории дарозмуддат ва мусоидат ба ҳамгироии иқтисодиёти кишварҳои узви Фонд нигаронида шудааст.
«Alvarez & Marsal Middle East» ба низоми бонкии Тоҷикистон хизматрасонии машваратӣ пешниҳод менамояд
Дар Душанбе ҳамкории Тоҷикистон бо Малайзия дар самти омодасозии мутахассисони соҳаи фанноварии иттилоотӣ муҳокима гардид
Муовини якуми Сарвазири Ҷумҳурии Тоҷикистон бо Президенти Идораи патентии Авруосиёӣ мулоқот намуд
Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Дар Тоҷикистон зиёда аз 8 ҳазор ихтирооти давлатҳои гуногуни ҷаҳон ҳифз мешаванд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
