Дар Хатлон барои пурзӯр намудани корҳои тавзеҳотӣ оид ба истифодаи мақсадноки неруи барқ гурӯҳҳои корӣ ташкил мекунанд
БОХТАР, 16.12.2020 /АМИТ «Ховар»/. Иҷрои дастурҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба масъалаҳои муҳим ва мубрам мавзӯи асосии ҷаласаи корие гардид, ки 15 декабр дар Бохтар таҳти роҳбарии раиси вилояти Хатлон Қурбон Ҳакимзода доир шуд.
Ба иттилои шуъбаи иттилоотӣ-таҳлилии Мақомоти иҷроияи ҳокимияти давлатии вилояти Хатлон, дар ҷаласа масъалаҳои дигар, аз ҷумла таъмини аҳолӣ бо неруи барқ, вусъат додани корҳои ободонӣ, таъмини амнияти ғизоӣ, истифодаи самараноки заминҳои наздиҳавлигӣ ва заминҳои президентӣ, суръат бахшидани маъракаи кишти тирамоҳӣ, ташкили ҷойҳои нави корӣ ва омодагӣ ба таҷлили сазовори ҷашни 30-солагии Истиқлоли давлатӣ баррасӣ шуданд.
Дар ҷаласа роҳбарони раёсату шуъбаҳои вилоят, воҳидҳои сохторӣ, мақомоти ҳифзи ҳуқуқ, ташкилот, раисони шаҳру ноҳияҳо ширкат варзиданд.
Дар бораи ташкил намудани гурӯҳҳои корӣ бо иштироки раисони шаҳру ноҳияҳо, мутахассисони соҳаи энергетика, Раёсати кор бо занон ва оила, шуъбаҳои дин, олимон, шоирон ва ҷавонон қарор қабул карда шуд.
Вазифаи асосии ин гурӯҳҳо пурзӯр намудани корҳои тавзеҳотӣ дар байни аҳолӣ оид ба истифодаи сарфакорона ва мақсадноки неруи барқ дар вилояти Хатлон мебошад.
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
