Дар Тоҷикистон лоиҳаи «Устувории шабакаи роҳҳо» татбиқ мегардад
ДУШАНБЕ, 29.12.2020 /АМИТ «Ховар»/. Дар Вазорати молияи Ҷумҳурии Тоҷикистон Созишномаи грантӣ байни Ҷумҳурии Тоҷикистон ва Бонки Осиёии Рушд /БОР/ оид ба лоиҳаи «Устувории шабакаи роҳҳо» ба маблағи беш аз 72 миллион доллари амрикоӣ ба имзо расонида шуд. Лоиҳаи мазкур баҳри қонеъ намудани талаботи муҳими минтақа оид ба беҳтаргардонии шоҳроҳҳои миллӣ, алалхусус Данғара-Оқмазор ва Ҳулбук-Кангурт равона шудааст. Қитъаҳои мазкур шоҳроҳи Осиёии №66-ро дар Данғара ва Ҳулбук пайваст намуда, барои ҳамгироии марказҳои бузурги иқтисодии минтақа хидмат менамояд. Лоиҳа дар зарфи се сол, солҳои 2021-2024 татбиқ мегардад.
Тавре аз Вазорати молия ба АМИТ «Ховар» хабар доданд, ин санадро аз ҷониби Тоҷикистон Вазири молияи Ҷумҳурии Тоҷикистон Файзиддин Қаҳҳорзода ва аз тарафи БОР Намояндаи ваколатдори БОР дар Ҷумҳурии Тоҷикистон Анвар Маҳмудов ба имзо расониданд.
«Ҳадафи лоиҳа ба стандартҳои ҷаҳонӣ расонидани ҳолати қитъаи роҳи байналмилалӣ дар ҳудуди Ҷумҳурии Тоҷикистон, таъмини бехатарии ҳаракат ва беҳтар намудани робитаҳои байналмилалӣ дар ҳудуди лоиҳа, инчунин баланд бардоштани сатҳи некӯаҳволии аҳолӣ бо роҳи таъмини ҷойҳои нави корӣ дар давраи татбиқи лоиҳа мебошад»,-афзуд манбаъ.
Арзиши умумии лоиҳа 72,93 миллион доллари амрикоиро ташкил дода, аз он 67,49 миллион доллари амрикоӣ аз ҳисоби гранти Бонки Осиёии Рушд ва 5,44 миллион доллари амрикоӣ аз ҳисоби саҳми Ҷумҳурии Тоҷикистон татбиқ мегардад.
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
