Намояндагони вазоратҳои корҳои хориҷии давлатҳои ИДМ масоили ҳамгироиро дар доираи ЮНЕСКО муҳокима карданд
ДУШАНБЕ, 25.12.2020 /АМИТ «Ховар»/. Дирӯз, 24 декабр машваратҳои вазоратҳои корҳои хориҷӣ дар мавзӯи «Ҳамгироии давлатҳои аъзои ИДМ дар доираи ЮНЕСКО» тариқи видеоконфронс баргузор гардид, хабар медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.
Иштирокчиёни видеоконфронс ҷанбаҳои гуногуни фаъолият ва самтҳои умедбахши ҳамкории давлатҳои Иттиҳодро дар доираи ЮНЕСКО муҳокима карданд.
Зарурати таҳияи мавқеи муштарак оид ба ислоҳот ва идораи ЮНЕСКО, инчунин оид ба масъалаҳои асосии буҷетӣ-маъмурӣ ва интихоби ҳайати роҳбарикунанда ва ёрирасон зикр карда шуд.
Ҳамчунин мушкилоти эҳёи иншооти мероси ҷаҳонӣ, ки зимни низоъҳои мусаллаҳона хисорот дидаанд, инчунин масъалаҳои ВАО ва озодии баён, барномаи зиддидопингии Созмон, омода кардани тавсияҳо дар соҳаи ахлоқи зеҳни сунъӣ ва «илми кушод» баррасӣ гардиданд.
Иштирокчиёни машваратҳо дурнамои роҳандозии ҳамкориро байни Кумитаи иҷроияи ИДМ ва ЮНЕСКО муҳокима карданд. Машваратҳои навбатӣ дар мавзӯи ҳамгироӣ дар доираи ЮНЕСКО моҳи сентябри соли оянда дар Москва баргузор хоҳанд шуд.
АКС аз Хадамоти матбуоти Кумитаи иҷроияи ИДМ
Дар шаҳри Ал-Кувайт ангурҳои сернавъ ва хуштаъми тоҷикӣ муаррифӣ гардид
Тоҷикистон ба мардуми Афғонистон изҳори тасаллӣ намуд
Парлумонҳои Тоҷикистон ва Эрон дар рушди ҳамкории дуҷониба нақши муассир доранд
Имконоти сайёҳии Тоҷикистон дар Москва муаррифӣ гардид
Дар Душанбе дурнамои ҳамкории Тоҷикистон ва Қазоқистон баррасӣ карда шуд
Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
Бо ташаббуси Тоҷикистон Қатъномаи нави СММ оид ба ҳамкорӣ бо ИДМ қабул гардид
Тоҷикистон ва Эрон ҳамкориро дар соҳаи китобдорӣ ва фарҳанг густариш медиҳанд
Тоҷикистон ва Ҷопон масъалаҳои муҳими ҳамкориро баррасӣ намуданд
Дар Душанбе дурнамои равобити Тоҷикистон ва Иттиҳоди Аврупо баррасӣ гардид
9 сентябр шаршараи Ниагара бо рангҳои Парчами давлатии Ҷумҳурии Тоҷикистон фурӯзон хоҳад шуд
