Осорхонаи миллии Тоҷикистон дар намоиши «Мероси муштараки буддоии кишварҳои узви СҲШ» ба таври маҷозӣ иштирок менамояд
ДУШАНБЕ, 02.12.2020 /АМИТ «Ховар»/. Аз 30 ноябри соли 2020 то 28 феврали 2021 Осорхонаи миллии Тоҷикистон дар намоиши «Мероси муштараки буддоии кишварҳои узви СҲШ», ки дар шакли маҷозӣ (онлайн/виртуалӣ) баргузор мегардад, иштирок менамояд. Намоиш бо истифода аз мундариҷаҳои рақамӣ, аз қабили аксҳо ва наворҳо ба шакли 3D ба тамошобинон пешниҳод мешавад.
Дар ин бора ба хабарнигори АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иттилоъ дод.
«Мероси муштараки буддоии кишварҳои узви СҲШ» аввалин намоиши маҷозии мероси буддоия мебошад, ки дар он муассисаҳо ва осорхонаҳои кишварҳои узви Созмони ҳамкории Шанхай иштирок меварзанд.
Дар намоиши мазкур осорхонаҳои кишварҳои узви Созмони ҳамкории Шанхай, аз қабили Осорхонаи миллии Деҳлӣ ва Осорхонаи миллии Калкуттаи Ҷумҳурии Ҳиндустон, Осорхонаи миллии Қазоқистон, Академияи Дун Хуанги Ҷумҳурии мардумии Чин, Осорхонаи миллии таърихии Ҷумҳурии Қирғизистон, Осорхонаи Покистон, Осорхонаи санъати мардуми Шарқи Федератсияи Россия, Осорхонаи миллии Тоҷикистон ва Осорхонаи миллии бостонии Тоҷикистон ва Осорхонаи ёдгориҳои машҳури бостоншиносии Ӯзбекистон иштирок мекунанд.
Намоиши «Мероси муштараки буддоии кишварҳои узви СҲШ» ганҷинаҳои нодир ва гаронбаҳои мероси буддоияро пешниҳод намуда, паҳлуҳои гуногуни санъати буддоиро нишон медиҳад, ки аз доираи сарҳадҳои миллӣ убур карда, бо фарҳангҳои минтақаҳои наздик омезиш ёфтаанд.
Тамошобинон метавонанд бо ганҷинаҳои мероси буддоия аз мактабҳои Қандаҳор ва Матҳура, Наланда, Амараватӣ ва Сарнатҳ, муъҷизаҳои нодири мероси буддоияи Ҷумҳурии Қазоқистон, Чину Қирғизистону Покистон ва санъати бурягии буддоияи Россия шинос гарданд. Инчунин дар намоиш тамошобин метавонанд аз Буддои 13- метраи дарозкашида (Буддо дар ҳолати нирвана), ки аз Ҷумҳурии Тоҷикистон ҳамчун бозёфти нодири мероси буддоия пешниҳод шудааст, дидан намоянд.
Намоиши мазкурро аз ин суроға https://nmvirtual.in/ метавонед тамошо намоед.
ҶАШНИ САДА. Он чун унсури барҷастаи мероси фарҳангии башарият сазовори ҳифз ва таблиғ дар саросари ҷаҳон аст
Ҳамкории «Тоҷикфилм» бо Институти миллии аудиовизуалии Фаронса тақвият меёбад
«ТОҶИКИСТОН — ВАТАНИ АЗИЗИ МАН». Ғолибони озмун дар баробари мукофотпулӣ аз кадом имтиёзҳо бархӯрдор мешаванд?
26 январ дар вазорату идораҳои Тоҷикистон нишастҳои матбуотӣ оғоз мегарданд
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
