Раиси вилояти Хатлон бо Сафири Украина дар Тоҷикистон мулоқот намуд

Декабрь 2, 2020 11:02

ДУШАНБЕ, 02.12.2020 /АМИТ «Ховар»/. Соли 2021 дар шаҳри Душанбе миёни соҳибкорони тоҷику украин ҷаласаи Комиссияи байнидавлатии дуҷониба баргузор хоҳад шуд. Ин нукта 1 декабр зимни мулоқоти Раиси вилояти Хатлон Қурбон Ҳакимзода бо Сафири Украина дар Тоҷикистон Василий Серватюк баён гардид.

Дар ин бора ба хабарнигори АМИТ «Ховар» аз шуъбаи иттилоотию таҳлилии дастгоҳи раиси вилояти Хатлон хабар доданд.

Сафири Украина дар Тоҷикистон Василий Серватюк зимни мулоқот пешниҳоди худро оид ба густариши ҳамкорӣ бо Тоҷикистон дар мисоли вилояти Хатлон миёни соҳибкорон, дастрасии техникаи ҳарбӣ, таҷҳизоти барқӣ, автобус, маҳсулоти қаннодӣ ва ривоҷи тиҷорат баён дошт. Инчунин аз рушди энергетика дар Тоҷикистон, густариш бахшидани ҳамкорӣ дар ҳама самтҳо, эътирофи соҳибихтиёриву соҳибистиқлолии Украина аз ҷониби Тоҷикистон изҳори умеду боварӣ намуд. Мавсуф иброз дошт, ки «ман аз пешрафту шукуфоии Тоҷикистон, бахусус шаҳри Душанбе, мулоқоту суҳбатҳои судманд бо Президенти мамлакат муҳтарам Эмомалӣ Раҳмон ба ваҷд омада, ин мамлакати офтобиро дар муносибатҳои дуҷониба бо Украина боз ҳам пешрафтатар дидан мехоҳам».

Ҷонибҳо зимни мулоқот иброз намуданд, ки сиёсати дарҳои бози Тоҷикистон имкони воқеӣ фароҳам овардааст, ки 173 давлати дунё бо мамлакати мо муносибатҳои дипломатӣ ба роҳ монда, ба ҳамкорӣ  рушди тоза бубахшанд. Дар ин радиф муносибати Тоҷикистон бо давлати Украина дар ҳоли густариш қарор дорад.

Қурбон Ҳакимзода иброз дошт, ки Хатлон аз калонтарин вилоятҳои Ҷумҳурии Тоҷикистон маҳсуб шуда, аз чор шаҳр ва 21 ноҳия иборат аст. Он вилояти аграрӣ буда, дар истеҳсоли меваю сабзавот, хушкмева, лимӯ, пахта ва содироти маҳсулоти кишоварзӣ ба хориҷи мамлакат нақши муассир дорад. Инчунин дар бунёди неругоҳҳои барқи обӣ, истеҳсоли барқи аз ҷиҳати экологӣ тоза вилояти Хатлон мавқеи аввалиндараҷаро ишғол мекунад.

Раиси вилоят ҳамчунин оид ба мамлакати сайёҳӣ будани Тоҷикистон, бахусус вилояти Хатлон андешаҳояшро иброз намуда, аз мавзеъҳои таърихӣ ва тамошобоби вилоят- шаршараи Сарихосор, «Чилдухтарон», «Чилучорчашма», «Хоҷа Машҳад», Тахти Сангин, «Бешаи палангон» ва дигар мавзеъҳои диданӣ ёдовар шуда, халқи дӯсту бародари Украинаро ба диёри офтобӣ даъват намуд.

Раиси вилоят аз дастгирии давлати Украина дар самти бунёди иншооти муҳим изҳори қаноатмандӣ намуда, хоҳони густариши минбаъдаи ҳамкорӣ дар ҳама самтҳо шуд.

Дар мулоқот ҷонибҳо инчунин дар мавриди масъалаҳои дигари марбут ба тавсеаи ҳамкории оянда табодули назар карданд.

Декабрь 2, 2020 11:02

Хабарҳои дигари ин бахш

АЗ ПАЁМ ТО ПАЁМ. Яке аз супоришҳои Паёми соли 2019 таҳияи «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025» буд. Оё он амалӣ гардид?
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор се иншооти ҷашнӣ ба истифода дода шуданд
Тоҷикистон ва Қазоқистон ҳамкории иқтисодию тиҷоратиро густариш медиҳанд
СММ: Аз соли 2011 то соли 2020 дар таърихи мушоҳидаҳо даҳсолаи гармтарин буд
Дар «Бозори Деҳқон»-и Душанбе нархи маҳсулоти кишоварзӣ нисбат ба дигар бозорҳо 20-25 фоиз арзонтар аст
Аз кишвари аграрӣ — индустралӣ ба кишвари индустралӣ – аграрӣ- яке аз самтҳои афзалиятноки Барномаи миёнамуҳлати рушди Ҷумҳурии Тоҷикистон барои солҳои 2021-2025
Дар Хатлон бо ташаббуси соҳибкорон 3 фермаи парвариши чорвои калон сохта шуд
12 нафар занони ноҳияи Сангвор сазовори грантҳои президентӣ гардидаанд
Шералӣ Кабир дар Исфара бо фаъолияти корхонаҳои саноатии «Субҳи Ватан» ва «Шираи гандум» шинос шуд
Вазири саноат ва технологияҳои нави Тоҷикистон бо фаъолияти корхонаҳои саноатии Хуҷанд шинос шуд
Дар Душанбе фаъолияти 20-солаи Хадамоти зиддиинҳисории Тоҷикистон натиҷагирӣ гардид
«Somon Air» дар хатсайри Душанбе-Дубай-Душанбе парвози дуюмро роҳандозӣ намуд