Тақрибан 50 кишвар, аз ҷумла Тоҷикистон, азм доранд дар Бозиҳои байналмилалии артиш-2021 ширкат варзанд
ДУШАНБЕ, 24.12.2020. /АМИТ «Ховар»/. Тақрибан 50 кишвар эълон карданд, ки дастаҳои худро ба VII Бозиҳои байналмилалии артиш-2021 мефиристанд. Тавре АМИТ «Ховар» бо истинод ба ТАСС хабар медиҳад, дар ин хусус дирӯз, 23 декабр Вазири мудофиаи Россия Сергей Шойгу дар ҷаласаи шӯрои ҷамъиятии вазорат иттилоъ дод.
Тавре имрӯз сардори маркази матбуоти Вазорати мудофиаи Ҷумҳурии Тоҷикистон полковник Фаридун Маҳмадализода ба АМИТ «Ховар» гуфт, соли оянда ҳайати низомии Қувваҳои Мусаллаҳи Тоҷикистон дар Бозиҳои байналмилалии артиш-2021 аз рӯи намудҳои «Биатлони танкӣ», «Артиллеристҳо», «Снайперҳо», «Табибон» ва ғайраҳо ширкат меварзад.
«Қариб 50 давлат аллакай иштироки худро барои соли оянда эълон карданд. Воридшавии дархостҳо идома доранд ва умедворам, ки ҳеҷ чиз барои соли оянда баргузор кардани ин чорабинӣ монеъ нахоҳад шуд», — гуфт Шойгу.
Ӯ ёдовар шуд, ки имсол дар мусобиқаҳо, ки дар 5 давлат баргузор шуданд, беш аз 30 кишвар ширкат варзиданд.
Соли 2021 Бозиҳои байналмилалии артиш аз 22 август то 4 сентябр баргузор мешаванд. Дар маҷмӯъ, баргузории 34 мусобиқаи байналмилалӣ бо ҳадди максималии тавсеаи ҷуғрофияи баргузории онҳо ба нақша гирифта шудааст.
Хабарнигори АМИТ «Ховар» иттилоъ медиҳад, ки VI Бозиҳои байналмилалии артиш «АрМИ-2020» аз 23 август то 5 сентябри соли 2020 баргузор шуданд. Зимни бозиҳо 30 мусобиқаи байналмилалӣ баргузор гардид. Озмунҳо дар панҷ кишвар: Россия, Арманистон, Озарбойҷон, Беларус ва Ӯзбекистон баргузор шуданд. Дар сабқати биатлони танкӣ дар бахши дуввум дастаи Тоҷикистон дар байни 16 кишвар мақоми севвумро касб кард. Ҷойҳои якум ва дуюм насиби дастаҳои Ветнам ва Лаос гардиданд. Дар бахши аввал се ҷои ифтихориро дастаҳои Россия, Чин ва Беларус гирифтанд.
Дар сабқати десанти баҳрӣ Россия ҷои аввал ва Тоҷикистон ҷои дуввумро соҳиб шуданд. Низомиёни Тоҷикистон дар сабқати ҳайатҳои артиллерӣ низ натиҷаҳои хуб нишон дода, дар он ҷои 4-умро ишғол карданд. Се ҷои аввалро дастаҳои Россия, Беларус ва Ӯзбекистон соҳиб шуданд.
ДАР АКС: низомиёни Тоҷикистон, ки дар «биатлони танкӣ» ширкат карданд. Акс аз бойгонӣ: Sputnik
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
