Таркиши мина дар Кобул, як тан фавтид ва дуи дигар маҷрӯҳ шуданд

ДУШАНБЕ, 29.12.2020 /АМИТ «Ховар»/. Полиси Кобул дар баёнияе гуфтааст, ки ин ҳодиса тақрибан соатҳои 08:15 31.12.2020 дар минтақаи Чиҳилсутуни ноҳияи ҳафтуми Кобул рух додааст, хабар медиҳад АМИТ «Ховар» бо истинод ба шабакаи телевизионии tolonews.com.

Субҳи Кобул имрӯз низ бо таркиш оғоз ёфт, ки ба асари он як нафар  ҳалок ва ду нафари дигарро маҷрӯҳ шуданд. Таркиши мина дар автомашинаи “Corolla” рух додааст.

Полиси Кобул мегӯяд, ки қурбониёни таркиш ғайринизомиён буданд.

Дар ҳамин ҳол, Фазл Фазлӣ, раҳбари идораи умури Дастгоҳи президенти Афғонистон изҳор намудааст, ки ҳадафи террористон автомашинаи ҳомили Муҳаммад Ҷовид Валӣ, муовини директори Департаменти корҳои мушовирон будааст.

Вай афзуд, ки Муҳаммад Ҷовид Валӣ «ҷиддӣ» захмӣ шудааст ва ронандааш Баҳромуддин ҷон бохтааст.

Ҳеҷ гурӯҳе, аз ҷумла “Толибон”, масъулияти ин ҳамларо бар дӯш нагирифтааст.