Вазири рушди иқтисод ва савдо бо корҳои ободониву бунёдкорӣ дар ноҳияи Панҷ шинос гардид

Декабрь 5, 2020 09:03

ДУШАНБЕ, 05.12.2020 /АМИТ «Ховар»/. Вазири рушди иқтисод ва савдои Ҷумҳурии Тоҷикистон Завқӣ Завқизода аз 1 то 4 декабр вобаста ба тақвияти корҳои ободонию бунёдкорӣ ба муносибати таҷлили 30-солагии Истиқлоли давлатии Ҷумҳурии Тоҷикистон, истифодаи оқилонаи заминҳои корам, ҷамъоварии беталафи ҳосили боқимонда, махсусан пахта, дар маҷмӯъ шиносоӣ бо ҷараёни сохтмони иншооти ҷашнӣ ва вазъи фаъолияти соҳаҳои иҷтимоию иқтисодӣ ба ноҳияи Панҷи вилояти Хатлон сафари корӣ анҷом дод. Дар ин бора аз Вазорати рушди иқтисод ва савдо ба АМИТ «Ховар» хабар доданд.

Зимни сафари корӣ З. Завқизода бо вазъи зиндагии аҳолии ноҳия, сохтмони иншооти ҷашнӣ, истифодаи самараноку оқилонаи заминҳои хоҷагиҳои деҳқонӣ ва наздиҳавлигӣ, ҷамъоварии ҳосил, кишту кори тирамоҳӣ ва ғайра шинос гардид.

Аз ҷумла, дар шаҳраки Панҷ аз ҷараёни сохтмони биноҳои маъмурии шуъбаи Агентии меҳнат ва шуғли аҳолӣ, шуъбаи ноҳиявии Раёсати Кумитаи давлатии амнияти миллии Ҷумҳурии Тоҷикистон, дар ҷамоати деҳоти Намуна аз сохтмони 10 синфхонаи иловагӣ дар муассисаи таълимии №44, фаъолияти хоҷагиҳои чорводорӣ ва парандапарварӣ, ҷамъоварии ҳосил дар хоҷагии деҳқонии Сомонӣ-1, инчунин дар ҷамоати деҳоти Меҳвар аз сохтмони 5 синфхонаи иловагӣ муассисаи таълимии №36, 8 синфхонаи иловагӣ дар муассисаи таълимии №42, 4 синфхонаи иловагӣ дар муассисаи таълимии №32, толори варзишӣ, сохтмони даромадгоҳ, сангфарш ва чароғонкунии 1 км роҳи деҳаи Сабзихарф, кишти такрории сабзавот, аз қабили карам, сабзӣ, пиёз ва ғайраҳо дидан намуд.

Ҳангоми боздид аз ҷониби З. Завқизода як қатор камбудиҳо, аз ҷумла аз ғӯзапоя тоза нагардидан ва ба шудгор омода набудани заминҳои корам, пурра риоя нагардидани қоидаҳои бехатарию сейсмологӣ зимни сохтмони баъзе иншооти ҷашнӣ ошкор гардида, ба масъулини ноҳия ҷиҳати бартараф намудани онҳо супоришҳои қатъӣ дода шуд.

Декабрь 5, 2020 09:03

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Бахшида ба ҷашни Наврӯз дар ноҳияи Рӯдакӣ ду бунгоҳи тиббӣ ба истифода дода шуд
Дар шаҳри Турсунзода бахшида ба Ҷашни байналмилалии Наврӯз як қатор иншоот мавриди истифода қарор гирифт
Дар Агентии амнияти химиявӣ, биологӣ, ядроӣ ва радиатсионӣ майдончаи варзишӣ ифтитоҳ гардид
Дар шаҳри Турсунзода майдончаи варзишӣ ва Маркази саломатии деҳоти «Чинор» ифтитоҳ гардид
Сарвари давлат Эмомалӣ Раҳмон бо фаъолияти Ҷамъияти дорои масъулияти маҳдуди «Иттиҳодияи Истеҳсолии Нассоҷии Тоҷик» шинос шуданд
Президенти мамлакат Эмомалӣ Раҳмон ба сохтмони бинои маъмурии Вазорати маориф ва илми Ҷумҳурии Тоҷикистон санги асос гузоштанд
Пешвои миллат Эмомалӣ Раҳмон ба бунёди бинои нави Вазорати саноат ва технологияҳои нави Ҷумҳурии Тоҷикистон санги асос гузоштанд