ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Хатлон 959 муассисаи тандурустӣ бунёд мегардад
ДУШАНБЕ, 11.01.2021 /АМИТ «Ховар»/. Ба истиқболи 30-солагии Истиқлоли давлатии Ҷумҳурии Тоҷикистон дар вилояти Хатлон беш аз 959 муассисаи гуногуни тандурустӣ бунёд мегарданд, ки он ба баланд бардоштани сифати хизматрасонии тиббӣ мусоидат менамояд. Аз ин шумора 53 адад беморхона, 105 адад марказҳои саломатӣ, 341 адад бунгоҳи тиббӣ, 230 адад нуқтаҳои хатна, 30 адад таваллудхона ва 200 ададро дорухонаҳо ташкил медиҳанд.
Сардори Раёсати тандурустии вилояти Хатлон Мирзоалӣ Раҷабзода дар суҳбат бо хабарнигори АМИТ «Ховар» иброз намуд, ки то имрӯз бештари ин муассисаҳои тандурустӣ мавриди истифода қарор гирифтаанд.
«Феълан корҳои сохтмонӣ дар муассисаҳои нисбатан бузургҳаҷм, Маркази табобатии бемориҳои қалб дар шаҳри Бохтар, Беморхонаи бисёрсоҳавӣ бо 200 кати хоб, инчунин Маркази саломатӣ барои қабули 300 бемор дар ноҳияи Қубодиён, Беморхонаи касалиҳои сироятӣ дар ноҳияи Данғара, Беморхонаи рақамӣ дар ноҳияи Ҷалолиддини Балхӣ ва Маркази перинаталӣ дар шаҳри Бохтар идома доранд»,-афзуд мавсуф.
Мирзоалӣ Раҷабзода гуфт, ки Вазоати тандурустӣ ва ҳифзи иҷтимоии Ҷумҳурии Тоҷикистон ва Мақомоти иҷроияи ҳокимияти давлатии вилояти Хатлон нақша доранд, ки тамоми ин муассисаҳои тандурустиро бо таҷҳизоти нодири аз давлатҳои хориҷӣ харидоришаванда таъмин намоянд.
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Дар ноҳияҳои Рашту Тоҷикобод «Маркази ҷавонон» ва майдончаҳои варзишӣ бунёд карда мешаванд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
Роҳҳои маҳаллии шаҳри Панҷакент мумфарш карда мешаванд
35-СОЛАГИИ ИСТИҚЛОЛИ ДАВЛАТӢ. Дар Истаравшан 990 иншоот бунёд, таъмир ва навсозӣ карда мешаванд
Сарвари давлат Эмомалӣ Раҳмон дар ноҳияи Данғара дар Семинар-машварати ҷумҳуриявии кишоварзон ва мулоқот бо фаъолон иштирок намуданд
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
