АГЕНТИИ ОБУҲАВОШИНОСӢ: Даҳаи дуюми моҳи январ дар Тоҷикистон ҳаво асосан бебориш мешавад

Январь 12, 2021 10:15

ДУШАНБЕ, 12.01.2020 /АМИТ «Ховар»/. Даҳаи дуюми моҳи январ дар Ҷумҳурии Тоҷикистон ҳаво асосан бебориш шуда, ҳарорат дар шаҳри Душанбе ба 12+14 дараҷа мерасад. Вале бо сабаби гарм шудани ҳаво дар минтақаҳои баландкӯҳ ва кӯҳӣ сардшавии ҳарорат дар назар аст. Дар ин бора сардори Маркази обуҳавосанҷии Агентии обуҳавошиносии ҷумҳурӣ Ҷамила Байдуллоева ба хабарнигори АМИТ «Ховар» иттилоъ дод.

Зикр шуд, ки танҳо 18-19 январ ҳаво тағйир ёфта,  ҳарорат каму беш поён мефарояд.

Дар вилояти Хатлон ва ноҳияҳои водигии ноҳияҳои тобеи ҷумҳурӣ моҳи январи соли 2021 ҳарорат аз меъёри иқлимӣ 0,5-1 дараҷа паст пешгӯӣ шуда, дар водиҳо 0+2 дараҷа гарм мешавад ва дар ноҳияҳои доманакӯҳӣ 0-2 дараҷа хунукиро ташкил медиҳад.

Миқдори миёнаи моҳонаи бориш дар моҳи январи соли 2021 дар ҳудуди меъёри муқаррарӣ ва дар баъзе ноҳияҳо аз меъёр паст пешгӯӣ мешавад. Рӯзҳои алоҳида вазиши шамол дар водиҳо бо шиддати то 13-18 ва дар ноҳияҳои доманакӯҳӣ бо шиддати то 10-15 метр дар як сония вазида, дар баъзе ноҳияҳо (н.Панҷ, Панҷи поён, ш.Бохтар, н.Ховалинг, ш. Душанбе) туман мефарояд.

Ҳарорати миёнаи ҳаво дар ноҳияҳои вилояти Хатлон ва минтақаҳои водигии ноҳияҳои тобеи марказ нисбат ба моҳи январи соли гузашта 3 дараҷа хунуктар мебошад. Дар доманакӯҳҳо ҳавои 1-3 дараҷа хунуктар пешбинӣ шудааст.

Дар  вилояти Суғд ҳарорати миёнаи моҳонаи ҳаво дар водиҳо ва кӯҳҳо дар ҳудуди меъёри иқлимӣ ва дар баъзе ноҳияҳо аз меъёри иқлимӣ 0,5 дараҷа паст пешгӯӣ шудааст. Ҳаво дар водиҳо  аз 1 дараҷа хунук то 1 дараҷа гарм ва дар ноҳияҳои кӯҳӣ 4-7 дараҷа сардиро ташкил медиҳад.

Миқдори миёнаи бориш дар моҳи январи соли 2021 дар ҳудуди меъёри муқаррарӣ ва дар баъзе ноҳияҳо аз меъёр паст пешгӯӣ мешавад.

Дар рӯзҳои алоҳида вазиши шамол дар водиҳо бо шиддати то 13-18 ва дар ноҳияҳои кӯҳӣ бо шиддати то 10-15 метр дар як сония мевазад.

Ҳарорати миёнаи ҳаво дар вилояти Суғд нисбат ба моҳи январи соли гузашта дар водиҳо 3 дараҷа хунуктар буда, дар ноҳияҳои кӯҳӣ 1 дараҷа хунукӣ пешбинӣ шудааст.

Ҳарорати миёнаи моҳонаи ҳавои минтақаҳои кӯҳии ноҳияҳои тобеи марказ ва ғарби Вилояти Мухтори Кӯҳистони Бадахшон дар моҳи январи соли 2021 дар ҳудуди меъёр, дар баъзе ноҳияҳо аз меъёри иқлимӣ 1 дараҷа паст  пешгӯӣ шудааст. Дар ғарби ВМКБ ҳаво 6-9 ва дар ноҳияҳои тобеи ҷумҳурӣ 4-10 дараҷа сардиро ташкил медиҳад.

Дар моҳи январи соли 2021 ҳарорати миёнаи моҳонаи ҳаво дар шарқи Вилояти Мухтори Кӯҳистони Бадахшон тибқи меъёри иқлимӣ пешгӯӣ шуда, 17-18 ва дар мавзеи Булункӯл 24 дараҷа хунукӣ пешбинӣ шудааст.

Давоми моҳ тағйирёбии якбораи ҳарорати ҳавои шабона дар назар дошта шуда, аз 17-22 то 23-28 дараҷа хунук, дар нимаи дуюми моҳ ҳарорати ҳаво паст шуда, то 30-35 дараҷа хунукӣ дар назар аст. Рӯзона ҳаво 13-18 дараҷа  хунук мешавад.

Ҳарорати миёнаи моҳонаи ҳаво дар шарқи Вилояти Мухтори Кӯҳистони Бадахшон нисбат ба моҳи январи соли гузашта дар ҳудуди меъёр буда, дар мавзеи Булункӯл 4 дараҷа  гармтар пешбинӣ шудааст.

Январь 12, 2021 10:15

Хабарҳои дигари ин бахш

Абдураҳмон ХОНЗОДА, роҳбари дастгоҳи ҲХДТ: «Силсилафилми «Хиёнат» ниқоб аз чеҳраи воқеии хиёнаткоронро бардошт»
Бо саҳми вакили Маҷлиси вакилони халқи Исфара Абдулмумин Ҳалимов ҳаштумин трансформатор мавриди истифодаи сокинон қарор гирифт
ШИРРӮҒАН-ТАОМИ ҶАШНИ САДА. Барои омода намудани он занон аз фасли тирамоҳ равған захира мекарданд
НОСЕҲИ НОРОСТХӮ. Вакили Маҷлиси намояндагон Гулбаҳор Назирӣ роҷеъ ба хиёнат ва риёи Муҳаммадиқбол дар филми мустанади «Бешарафӣ»
Вазорати корҳои дохилии Россия ва ҳукумати Москва ҷалби муҳоҷиронро аз Тоҷикистон ва Ӯзбекистон барои кор ташкил мекунанд
БЕШАРАФИИ БЕШАРАФОН ОШКОР ШУД! Андешаҳои рӯзноманигор доир ба филми ҳуҷҷатии «Бешарафӣ»
БЕШАРАФӢ – ВИЖАГИИ НАҲЗАТӢ. Андешаҳои ходимони Академияи миллии илмҳои Тоҷикистон оид ба филми мустанад дар бораи Муҳаммадиқболи Садриддин
Дар Душанбе оид ба масъалаи хизматрасонии босифати тиббӣ ба модарону кӯдакон машварати онлайнӣ доир шуд
Ёдгор Файзов: Қонун «Дар бораи муроҷиатҳои шахсони воқеӣ ва ҳуқуқӣ» аз ҷониби бархе роҳбарону раисони ноҳияҳои ВМКБ иҷро намегардад
«Сомон Эйр» парвозҳоро ба Тошканд барқарор менамояд
Муъминобод: Соҳибкори маҳаллӣ Шодиҷон Раҷабов соҳиби ҷоизаи озмуни «Ободгари Ватан» гардид
Ҳушдори Кумитаи ҳолатҳои фавқулода: Бинобар сардиҳои рӯзҳои оянда аз сафарҳои бе зарурат даст кашед!