Дар ҳамлаи Толибон дар Кундуз шаш корманди мақомоти қудратӣ кушта шуданд

Январь 8, 2021 09:15

ДУШАНБЕ, 29.12.2020 /АМИТ «Ховар»/. Амриддин Валӣ, узви Шӯрои вилояти Кундузи Афғонистон, дирӯз (панҷшанбеи 7.01.2021) гуфт, ки шаби гузашта дар ҳамлаи “Толибон” ба пойгоҳи Чархи Об, воқеъ дар ноҳияи Хонободи ин вилоят чаҳор  сарбози артиш ва ду корманди полис ҳалок, ду нафар маҷрӯҳ шуданд, ва панҷ тан хизматчии низомиро онҳо бо худ бурдаанд, хабар медиҳад АМИТ «Ховар» бо истинод ба шабакаи телевизионии tolonews.com.

Ҳамзамон TOLOnews гузориш медиҳад, ки дар идомаи террорҳои ҳадафманд туфангдорони ношинос дар ду рӯйдоди ҷудогона дар Кобул як халабони неруҳои ҳавоӣ, як афсари баландпояи Раёсати муҳофизати роҳбарони олирутбаи кишвар ва  як шахси ғайринизомиро ҳадафи тир қарор доданд.

Хонаводаи қурбониёни ин ҳодисаҳо ҳукуматро дар таъмин накардани амнияти шаҳрвандон айбдор ва таҳқиқи ҷиддии ин ҳодисаҳоро тақозо мекунанд.

Аз ҷумла, хонаводаи Ораш Сир, афсари аршади Раёсати муҳофизати роҳбарони олирутбаи кишвар, гуфтааст, ки ӯро шоми чоршанбе (06.01.2021) дар назди хонааш дар Қалъаи Воҳид, ноҳияи 13-уми Кобул, афроди ношинос куштанд.

Шуайб, бародари Ораш гуфт: «Тамоми рӯз куштор, тамоми рӯз қатл ва қатл! Бародари ман як марди одӣ набуд, вай мансабдори баландпояи ҳукумат буд, дар Раёсати муҳофизати президент кор мекард».

Сухангӯи Вазорати корҳои дохилӣ Тариқ Ориён изҳор дошт, ки «Толибон” дар мавҷи кушторҳои ҳадафманд «Толибон” ва Ҳоқонӣ, ки муовини ин гурӯҳ аст, даст доранд ва дар зери пӯшиши номи ДИИШ ин амалҳои террористиро анҷом медиҳанд».

То ҳол “Толибон” ва дигар гурӯҳҳои ифротгаро ҳанӯз дар ин бора изҳори назар накардаанд.

Январь 8, 2021 09:15

Хабарҳои дигари ин бахш

Дар Бодғис дар натиҷаи таркиш ду полис ҷон бохтанд
Байден ИМА-ро ба СУТ ва созишномаи иқлим бозгардонид
Дирӯз Ҷозеф Байден ба ҳайси Президенти 46-уми Иёлоти Муттаҳида ба вазифа шурӯъ намуд
Дар натиҷаи таркиши мина дар назди бинои полиси Ҳирот шаш сарбози полис маҷрӯҳ шуданд
Набардҳои шадиди неруҳои амниятӣ бо «Толибон» дар минтақаҳои гуногуни Афғонистон идома доранд
Сафорати ИМА дар Афғонистон амрикоиҳоро даъват мекунад, ки кишварро тарк кунанд
Дар Кобул ду судяи зан дар ҳамлаи шахсони мусаллаҳ кушта шуданд
Кушта шудани як ғайринизомӣ дар таркиши мошини бомбгузоришуда дар Ғазнӣ
Дар Индонезия бар асари силсилаи заминҷунбиҳо 26 нафар ҳалок шуда, 600 тан осеб дидаанд
Олимон: Соли 2050 ҳарорати Замин метавонад ба ҳадди буҳронӣ бирасад
Як корманди додгоҳи шикоятии Нангарҳор дар ҳамлаи афроди мусаллаҳ кушта шуд
Дар Балхи Афғонистон бар асари ҳамла ба мошини ҳомили занони сарбоз ду нафар ҳалок шуданд