Дар «Бозори Саховат»-и шаҳри Душанбе нархи маҳсулоти мавриди ниёзи аввал тағйир наёфтааст

Январь 7, 2021 15:33

ДУШАНБЕ, 07.01.2021 /АМИТ «Ховар»/. Имрӯз дар КВД «Бозори Саховат» -и шаҳри Душанбе маҳсулоти мавриди ниёзи аввал аз ҷониби соҳибкорон бо чунин нарх  ба фурӯш гузошта шудаанд: 1 кг картошка 3- 3 сомонию 40 дирам, 1 кг пиёз 1,80-2 сомонӣ, 1 кг сабзӣ  1 сомонию 50 дирам, 1 кг карам 1,50- 2 сомонӣ, 1 кг помидор 14 сомонӣ, 1 кг бодиринг 11 сомонӣ, 1 кг гӯшт 50 сомонӣ, 1 кг гӯшти мурғ 23 сомонӣ, 1 кг биринҷ аз 9 сомонӣ то 17 сомонӣ (вобаста ба навъ), 1 литр равған 15-16 сомонӣ, 1 кг орди навъи якум аз 4 сомонию 80 дирам то 5 сомонӣ, 1 дона тухм аз 0,90 дирам то 1 сомонию 17 дирам, 1 кг шакар 8 сомонию 50 дирам.

Тавре дар суҳбат бо хабарнигори АМИТ «Ховар» директори КВД «Бозори Саховат»-и шаҳри Душанбе Сайдалӣ Сабзалиев иброз намуд, «яке аз омилҳои нигоҳ доштани нархи маҳсулот дар бозорҳои пойтахт- ин таъсис додани ярмаркаҳои фурӯши маҳсулот ва бештар ба бозор баровардани маҳсулоти захиравӣ мебошад. Танҳо бо ин восита мо метавонем болоравии нархи маҳсулоти мавриди ниёзи аввалро пешгирӣ намоем».

Мавриди зикр аст, ки то 31 декабр дар КВД «Бозори Саховат»-и шаҳри Душанбе  аз ҷониби Мақомоти иҷроияи ҳокимияти давлатии шаҳри Душанбе, КВД «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе», Вазорати кишоварзии Ҷумҳурии Тоҷикистон, Агентии захираҳои моддии давлатии назди Ҳукумати Ҷумҳурии Тоҷикистон ва  Иттифоқи «Тоҷикматлубот»  ярмарка-фурӯши доимамалкунанда фаъолият менамуд, ки сокинони мамлакат аз он маҳсулоти тару тозаро бо нархҳои дастрас харидорӣ мекарданд.

Ба гуфти директори КВД «Бозори Саховат», дар бозор ситоди доимамакунанда фаъолият намуда, нархи маҳсулотро назорат ва ба танзим медарорад. Инчунин соҳибкорони бозор дар анбори худ миқдори зиёди маҳсулотро нигоҳ медоранд, то ки дар ҳолатҳои зарурӣ пешниҳоди харидорон намоянд.

Ба гуфти ҳамсуҳбати мо, дар тӯли як ҳафтаи сипаригардидаи соли 2021 нархи маҳсулоти мавриди ниёзи аввал дар ин бозор мисли пешина боқӣ мондааст. Зеро дар ноҳияҳои мамлакат захираи зиёди маҳсулот мавҷуд аст ва соҳибкорон пайваста онҳоро дастрас намуда истодаанд.

Январь 7, 2021 15:33

Хабарҳои дигари ин бахш

Дар Душанбе Нақшаи ташкил ва гузаронидани ярмаркаҳои фурӯши маҳсулоти кишоварзию агросаноатӣ дар соли 2021 тасдиқ гардид
Корхонаҳои нақлиётии шаҳри Душанбе сокинони пойтахтро барои омӯзиш ба курсҳои омода намудани ронандагони дараҷаи «Д» даъват менамоянд
Раиси шаҳри Душанбе ба Палатаи ҳисоб ҷиҳати санҷиши фаъолияти молиявии мақомот дар соли 2020 дархост ирсол намуданд
Аз 25 январ то 16 феврал барои дарёфти стипендияи Раиси шаҳри Душанбе озмун доир мегардад
Навсозии Маҷмааи муосири савдову хизматрасонии «Корвон» идома дорад
Лоиҳаи меҳмонхонаи 5-ситорадор, воқеъ дар кӯчаи Ҳабиб Аҳрорӣ ғолиби Озмуни «10 лоиҳаи беҳтарини солҳои 2017-2020 дар шаҳри Душанбе» гардид
Дар Душанбе хатсайри нави троллейбусии №2 ба фаъолият оғоз менамояд
Душанбе дар номинатсияи «Беҳтарин шаҳри варзишии Тоҷикистон дар соли 2020» ғолиб дониста шуд
Дар хиёбони Саъдии Шерозии шаҳри Душанбе иморатҳои баландошёна сохта мешаванд
Дар Душанбе ғолибони озмунҳои шаҳрии «Омӯзгори сол», «Мураббии сол» ва «Хонандаи сол» муайян шуданд
Дар Душанбе барои хонандагони муассисаҳои таҳсилоти миёнаи умумӣ курси омӯзиши забони русӣ ташкил гардид
ДУШАНБЕ ДАР СОЛИ 2021: ШАҲРИ САЙЁҲӢ ВА ПОЙТАХТИ ФАРҲАНГИИ ИДМ. Муовини Раиси шаҳр Мавсума Муинӣ дар бораи имкониятҳо ва зарфиятҳои пойтахти Тоҷикистон дар соҳаи туристӣ