Камолиддин Худоймерганов ва Нозанин Ҷамшедзода Шоҳҷоизаи Фестивал-озмуни байналмилалии «Роза Востока»-ро соҳиб шуданд
ДУШАНБЕ, 18.01.2021 /АМИТ «Ховар»/. Наврасони шаҳри Хуҷанди вилояти Суғд- Камолиддин Худоймерганов ва Нозанин Ҷамшедзода дар Фестивал-озмуни байналмилалии эҷодиёти кӯдакон ва ҷавонон «Роза Востока», ки дар шаҳри Тошканди Ҷумҳурии Ӯзбекистон тариқи онлайн баргузор гардид, соҳиби Шоҳҷоиза гардиданд. Инчунин Зиёда Волидова ба гирифтани ҷои дуюм дар ин фестивал-озмун шарафёб шуд.
Дар ин бора АМИТ «Ховар» бо истинод ба маркази матбуоти Вазорати фарҳанги Ҷумҳурии Тоҷикистон иттилоъ медиҳад.
Фестивал-озмуни байналмилалии эҷодиёти кӯдакон ва ҷавонон «Роза Востока» моҳи декабри соли 2020 дар бахшҳои гуногун баргузор гардида, намояндагони Ҷумҳурии Тоҷикистон Камолиддин Худоймерганов дар бахши навозандагӣ (дутор) аз гурӯҳҳои 14 — 17- солаҳо, Нозанин Ҷамшедзода ва Зиёда Волидова дар бахши рақс аз гурӯҳҳои 9 — 12-солаҳо миёни намояндагони 15 мамлакати дунё ширкат варзида, маҳорати баланди касбӣ намоиш доданд.
Ин наврасони соҳибистеъдод дар Фестивал-озмуни байналмилалии истеъдодҳои ҷавон «KGтай» дар Ҷумҳурии Қирғизистон, ки он ҳам тариқи онлайн баргузор гардид, иштирок намуданд. Камолиддин Худоймерганов соҳиби Шоҳҷоиза, Нозанин Ҷамшедзода ва Зиёда Волидова сазовори ҷойи аввал гардиданд.
ДАР АКС. Нозанин Ҷамшедзода ғолиби Фестивал-озмуни байналмилалии истеъдодҳои ҷавон «KGтай». Акс аз манбаъҳои дастрас.
Бояд гуфт, ки дар Фестивал-озмуни байналмилалии истеъдодҳои ҷавон «KGтай» ансамбли рақсии «Гулноз»-и назди Кохи фарҳанги ба номи А.Рӯдакӣ низ иштирок намуда, сазовори ҷойи дуюм гардид.
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
