Кормандони милитсия аз намоиш-фурӯши асарҳои нашриёти «Адиб» барои худ ва фарзандон китобҳои зарурӣ дастрас намуданд
ДУШАНБЕ, 23.01.2021 /АМИТ «Ховар»/. Дар саҳни бинои Иттифоқи нависандагони Тоҷикистон бо ибтикори Нашриёти давлатии «Адиб» намоиш-фурӯши китобҳо ба роҳ монда шуд, ки дар ин маъракаи фарҳангӣ кормандони Вазорати корҳои дохилии Ҷумҳурии Тоҷикистон ва Прокуратураи генералии Ҷумҳурии Тоҷикистон фаъолона иштирок намуда, барои худ ва фарзандонашон китобҳои зарурӣ дастрас намуданд. Дар ин бора аз Вазорати корҳои дохилӣ ба АМИТ «Ховар» хабар доданд.
Дар намоишгоҳ ҳашт ҷилди навбатии силсилаи 50-ҷилдаи «Ахтарони адаб», зиёда аз 150 номгӯй асарҳои илмию бадеӣ, дар умум 5 ҳазор нусха асарҳои шоирону нависандагони адабиёти классику муосири тоҷик ва хориҷӣ ба фурӯш гузошта шуданд.
Тавре муовини роҳбари дастгоҳи Вазири корҳои дохилӣ, полковники милитсия Умарҷони Эмомалӣ иброз намуд, «имрӯз ҳар корманди мақомоти корҳои дохилӣ аз рӯйи масъулияти хеш дар ин ярмарка-фурӯши китоб иштирок намуда, барои худ китоб харид».
Ҳамзамон аз ҷониби Вазорати корҳои дохилӣ китобҳои соҳавӣ низ вобаста ба самти ҳуқуқ ба фурӯш гузошта шуданд, ки бо маблағи аз ин китобҳо бадастомада адабиёти бачагона харидорӣ намуда, ба ятимхонаҳо ва кӯдакистонҳо тақдим карда мешавад.
Дар асоси ҳидоятҳои Пешвои миллат муҳтарам Эмомалӣ Раҳмон дар ҷузъу томҳои Вазорати корҳои дохилӣ китобхонаҳо созмон дода шуда, кормандон пайваста ба мутолиа машғул мешаванд, зеро ин иқдом баҳри баланд бардоштани маърифатнокии онҳо нақши муҳим мебозад. Ҳамчунин таваҷҷуҳи ҳамешагии роҳбарияти вазорат ба китобу китобхонӣ рӯз то рӯз бештар гардида, ҳайати шахсии он кӯшиш мекунад, ки барои баланд бардоштани савияи дониш китобҳои гуногун мутолиа намоянд.
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
«ТОҶИКИСТОН-ВАТАНИ АЗИЗИ МАН». Дар шаҳри Гулистон даври шаҳрии озмуни ҷумҳуриявӣ баргузор гардид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
