Раиси комиссияи ҳалли баҳсҳои молиявии Бонки марказии Афғонистон маҷрӯҳ шуд

ДУШАНБЕ, 20.01.2021 /АМИТ «Ховар»/ Дар моҳҳои охир кушторҳои намояндагони ВАО, кормандони давлатӣ, фаъолони ҷомеаи шаҳрвандӣ ва маъмурони амниятӣ ва дифоъ дар саросари Афғонистон, бахусус дар Кобул афзоиш ёфтанд, хабар медиҳад АМИТ «Ховар» бо истинод ба сомонаи шабакаи телевизионии 1tvnews.af.

Бонки марказӣ («Деафғонистон бонк”) бо нашри хабарномае изҳор доштааст, ки субҳи рӯзи якшанбеи 24 январи соли 2021, тақрибан соати 8:15 дақиқа, мошини хизматии Абдуллоҳ «Дурронӣ», раиси комиссияи ҳалли баҳсҳои молиявии бонки марказии Афғонистон, дар ҳудуди  ноҳияи ҳаштуми Кобул ҳадафи минаи магнитӣ қарор гирифт. Дар натиҷаи таркиш Абдуллоҳ «Дурронӣ» захмӣ ва муҳофизи ӯ ҳалок шуд.

Масъулияти ин ҳодисаро касе ё гурӯҳе бар дӯш нагирифтааст.