Раиси вилояти Хатлон бо мақсади шиносоӣ аз рафти корҳои ободонию бунёдкорӣ ба ноҳияи Кӯшониён сафар кард

Январь 16, 2021 10:57

ДУШАНБЕ, 16.01.2021 /АМИТ «Ховар»/. Имрӯз Раиси вилояти Хатлон Қурбон Ҳакимзода бо мақсади шиносоӣ аз рафти корҳои ободонию бунёдкорӣ ба ноҳияи Кӯшониён сафар кард, хабар медиҳад АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон.

Раиси вилоят аз ҷараёни сохтмони бинои меҳмонхона ва маркази саломатӣ, воқеъ дар шаҳраки Исмоили Сомонӣ, дидан намуд. Бинои мазкур дар асоси нақшаи чорабиниҳо ба муносибати ҷашни 30-солагии Истиқлоли давлатии Ҷумҳурии Тоҷикистон аз тарафи соҳибкор Анвар Фақерзода бунёд мешавад.

Бинои меҳмонхона ва тарабхона дорои 14 ҳуҷра, 20 ҷойи хоб, ду толори маҷлисгоҳ, тарабхона барои 300 нафар ва маркази савдо буда, арзиши лоиҳавии он 2 миллиону 773 ҳазор сомониро ташкил медиҳад.

Инчунин, аз тарафи соҳибкор сохтмони беморхонаи хусусии дорои 18 ҳуҷраи духтурон ва 25 ҳуҷраи хоби беморон босуръат идома дорад. Иншооти мазкур ба маблағи 2 миллиону 330 ҳазор сомонӣ сохта мешавад. Тибқи нақша он дар арафаи ҷашни байналмилалии Наврӯз мавриди баҳрабардорӣ қарор дода мешавад.

Раиси вилоят Қурбон Ҳакимзода инчунин дар маркази ноҳияи Кӯшониён аз рафти корҳои сохтмонӣ дар бинои шашошёнаи истиқоматӣ дидан намуд.

Сохтмони бинои мазкур дар доираи омодагиҳо ба таҷлили ҷашни 30-солагии Истиқлоли давлатӣ аз ҷониби соҳибкор Дилшод Давлатов ба нақша гирифта шудааст. Корҳои сохтмонӣ моҳи январи соли 2020 оғоз гардида, дар ошёнаи якум маркази савдо ва дар ошёнаҳои 2-6-ум манзилҳои истиқоматӣ сохта мешаванд.

Тибқи лоиҳа шумораи ҳуҷраҳо 30 ададро ташкил медиҳад. Ҳангоми ба истифода додани бинои мазкур дар маркази савдо 12 нафар сокинон ба кори доимӣ таъмин карда мешаванд.

Дар корҳои сохтмонӣ 20 нафар сокинони маҳаллӣ ҷалб шудаанд.

АКСҲО аз шуъбаи иттилоотию таҳлилии дастгоҳи Раиси вилояти Хатлон

Январь 16, 2021 10:57

Хабарҳои дигари ин бахш

Дар ноҳияи Зафаробод Боғи Парчами давлатӣ ба истифода дода шуд
Дар ноҳияи Зафаробод коргоҳи истеҳсоли мумфарш ба фаъолият оғоз намуд
33 СОЛИ ПУРСАМАРИ ИСТИҚЛОЛИЯТИ ДАВЛАТӢ. Президенти Тоҷикистон Эмомалӣ Раҳмон: «Дар роҳи ватансозӣ мисли ангуштони як мушт сарҷамъу муттаҳид бошем!»
ИСТИҚЛОЛ ВА ШИНОХТИ АСОЛАТИ МИЛЛӢ. Андешаҳои Ректори Донишгоҳи давлатии Хоруғ Амид Комилбек дар ин маврид
35-СОЛАГИИ ИСТИҚЛОЛИ ДАВЛАТӢ. Дар Беморхонаи клиникии кӯдаконаи вилояти Суғд бинои иловагӣ сохта мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Абдураҳмони Ҷомӣ Боғи фарҳангию истироҳатӣ сохта мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ 408 иншоот сохта мешавад
Беморхонаҳои шаҳри Турсунзода баъди таъмиру навсозӣ бо таҷҳизоти замонавӣ муҷаҳҳаз шуданд
Ҷоизадорони Бозиҳои олимпии Париж-2024 дар вазъияти тантанавӣ қадрдонӣ шуданд
Дар Бадахшон 7 бинои кӯдакистон ба истифода дода мешавад
ОМОДАГӢ БА СОЛИ НАВИ ХОНИШ. Дар деҳаи «Иттифоқ»-и ноҳияи Фархор бинои иловагии мактаби №14 ба истифода дода шуд
БАХШИДА БА 33-СОЛАГИИ ИСТИҚЛОЛИ ДАВЛАТӢ. Дар кинотеатрҳои Душанбе филмҳои таърихӣ намоиш дода мешаванд