Ҳафт узви раҳбарии ДИИШ дар шаҳри Ҷалолободи Афғонистон маҳв карда шуданд
ДУШАНБЕ, 16.02.2021 /АМИТ «Ховар»/. Мақомоти амнияти вилояти Нангарҳори Афғонистон 15 феврал хабар додаанд, ки неруҳои махсуси амнияти миллӣ дар ҷараёни амалиёт дар шаҳри Ҷалолобод ҳафт узви раҳбарии ДИИШ, аз ҷумла як маргталабро маҳв намудаанд, хабар медиҳад АМИТ «Ховар» бо истинод ба шабакаи мустақили иттилоотии pajhwok.com.
Ба гуфтаи масъулин ҳарчанд афроди мусаллаҳ ғайринизомиёнро ҳамчун сипар истифода мекарданд, аммо неруҳои махсус амалиётро бо маҳорати баланд анҷом доданд ва ба мардуми маҳаллӣ талафот нарасидааст.
Дар хабарномаи мақомот қайд шудааст, ки қитъаи 02 нерӯҳои махсуси амнияти миллӣ дар минтақаи Чуғакуи ноҳияи 7-уми шаҳри Ҷалолобод, ки гурӯҳи ДИИШ дар он ҷо дар як хона марказ эҷод карда буд, амалиёт анҷом додааст.
Тибқи иттилои манбаъ, неруҳои амалётӣ ба муқовимати силоҳбадастон дучор омадаанд ва байни ду тараф задухӯрд ба амал омадааст.
Дар хабарнома таъкид шудааст, ки ҳангоми задухӯрд ҳафт узви ДИИШ, аз ҷумла як маргталаб кушта шуданд, аммо сокинони маҳаллӣ талафот надидаанд.
Дар ҷараёни амалиёт чаҳор камарбанд бо маводи тарканда барои ҳамлаҳои маргталабона, як адад мушак, се автомати «Калашников», се туфангча, 20 норинҷаки дастӣ ва як миқдор маводи тарканда ошкор ва мусодира шудааст.
Тибқи иттилои манбаъ, афроди кушташуда ният доштанд, ки кушторҳои мақсаднок ва ҳамлаҳои маргталабонаро дар шаҳри Ҷалолобод анҷом диҳанд, аммо пеш аз расидан ба ҳадафи худ нобуд карда шуданд.
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
