Андозсупорандагони Тоҷикистон метавонанд дар коркарди лоиҳаи Кодекси андоз иштирок намоянд
ДУШАНБЕ, 10.02.2021 /АМИТ «Ховар»/. Вазорати молияи Тоҷикистон ба андозсупорандагон муроҷиат кардааст, ки пешниҳодҳои худро ба лоиҳаи таҳрири нави Кодекси андози ҷумҳурӣ пешкаш намоянд. Тавре АМИТ «Ховар» иттилоъ медиҳад, муроҷиатномаи дахлдор дар сомонаи идораи мазкур интишор ёфтааст.
Дар муроҷиатнома омадааст, ки дар таҳияи лоиҳаи қонуни нав гурӯҳи кории байниидоравӣ дар якҷоягӣ бо мушовирони байналмилалӣ, коршиносони маҳаллӣ, намояндагони сохторҳои соҳавӣ, ассотсиатсияҳо ва бахши хусусӣ иштирок мекунанд. Инчунин зикр шудааст, ки лоиҳаи санад, ки дар таҳияи он таҷрибаи ҷаҳонӣ ба инобат гирифта шудааст, муқаддамотӣ буда, минбаъд ба таври иловагӣ коркард ва такмил дода хоҳад шуд.
«Аз шумо хоҳиш мекунем, ки пешниҳодҳои худро тибқи намунаи дар сомонаи www.itcmf.tj/kodeks нашршуда ва ё ба таври хаттӣ ба Вазорати молияи Ҷумҳурии Тоҷикистон ирсол намоед», — омадааст дар муроҷиатнома.
Пешниҳодҳоро то 25 феврали соли равон фиристодан мумкин аст. Баъдан, лоиҳаи Кодекси андоз барои баррасӣ ба Ҳукумати кишвар ирсол хоҳад шуд.
Кодекси амалкунандаи андози Тоҷикистон бо Қарори Маҷлиси намояндагони Маҷлиси Олии Ҷумҳурии Тоҷикистон аз 5 сентябри соли 2012 тасдиқ шуда, аз 1 январи соли 2013 мавриди амал қарор гирифт. Кодекси нави андози кишвар, тавре ки интизор меравад, соли равон қабул хоҳад шуд.
Ёдовар мешавем, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Паёми навбатии худ ба Парлумони мамлакат 26 январи соли ҷорӣ аниқ карданд, ки ислоҳоти нав бояд, пеш аз ҳама, соҳибкорони ватаниро дастгирӣ кунанд ва «монеаҳои дар сари роҳи онҳо мавҷударо бартараф кунанд ”.
АКСИ АМИТ «Ховар»
Дар Душанбе татбиқи «Барномаи рушди таҳвилгарон ва содирот» расман оғоз гардид
Дар комплекси сайёҳии Шаҳристон — эко резорт ба масофаи зиёда аз 5 километр таноброҳ сохта мешавад
Соли равон фурудгоҳҳои байналмилалии Тоҷикистон ба зиёда аз 1,5 миллион мусофир хизмат расонидаанд
Ҳоким Холиқзода бо Сафири нави Арабистони Саудӣ дурнамои ҳамкориро баррасӣ намуд
НИШАСТИ МАТБУОТӢ. Дар 65 шаҳру ноҳияи Тоҷикистон пойгоҳои базавии стандартӣ 5G насб карда мешавад
Дар Душанбе ҷаласаи дуюми Шурои кории Тоҷикистону Туркманистон баргузор гардид
НИШАСТИ МАТБУОТӢ. Соли равон тавассути ҳама намуди нақлиёт беш аз 76 миллион тонна бор ва 552 миллион мусофир интиқол дода шуд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
