Ба шарафи Рӯзи Қувваҳои Мусаллаҳи Тоҷикистон дар Сангвор бо хизматчиёнии ҳарбӣ мулоқот доир шуд

Февраль 22, 2021 09:33

САНГВОР, 22.02.2021 /АМИТ «Ховар»/. Ба муносибати 28-умин солгарди таъсиси Қувваҳои Мусаллаҳи Ҷумҳурии Тоҷикистон дар  қисми низомии Вазорати мудофиаи Ҷумҳурии Тоҷикистон  роҳбарияти ноҳияи Сангвор ва роҳбарони мақомоти ҳифзи ҳуқуқи ноҳия бо хизматчиёнии ҳарбӣ вохӯрӣ намуданд. Дар ин бора аз шуъбаи рушди иҷтимоӣ ва робита бо ҷомеаи ноҳияи Сангвор ба хабарнигори АМИТ  «Ховар»  иттилоъ доданд.

Зимни мулоқот раиси ноҳияи Сангвор Маҳмадшоҳ  Давлатзода сарбозони шуҷои ватанро бо Рӯзи Қувваҳои мусаллаҳи ҷумҳурӣ табрик намуда, изҳор дошт, ки «Артиши миллӣ ҳанӯз дар оғози ба Истиқлол расидани кишвари азизамон таъсис гардида, роҳи хеле мушкилу сангини таърихро тай намуд. Ҳоло он қодир аст амнияти давлату миллат ва марзу буми кишварро пурра ҳифз намояд. Пешвои миллат муҳтарам Эмомалӣ Раҳмон Қувваҳои Мусаллаҳи Ҷумҳурии Тоҷикистонро яке аз рукнҳои воқеан бунёдӣ ва муҳимтарини давлат, сипари боэътимоди Ватанамон арзёбӣ намудаанд. Чунки имрӯз мардуми шарафманди Тоҷикистон дар симои Артиши миллӣ ҳомиёни боэътимод ва муҳофизони халқу Ватан, тартибот, қонуният ва дастовардҳои истиқлоли худро мебинанд. Мояи ифтихор аст, ки имрӯзҳо Қувваҳои мусаллаҳи ҷумҳурӣ қобилияти таъмини истиқлол, якпорчагии хоки Ватан ва оромию ҳаёти осоиштаро дошта, вазифаҳои худро дар таъмини тинҷию осудагӣ ва ҳифзи тартиботи ҷамъиятӣ содиқона ва софдилона иҷро менамоянд».

Дар ҳамоиш бахшида ба Рӯзи таъсиси Қувваҳои Мусаллаҳи Ҷумҳурии Тоҷикистон аз тарафи Мақомоти иҷроияи ҳокимияти давлатии ноҳияи Сангвор барои маҳорату малакаи баланди касбӣ, сари вақт иҷро намудани вазифаҳои хизматӣ як гурӯҳ сарбозону афсарони ин қисми низомӣ бо  туҳфаҳо қадрдонӣ гардида,  барои аскарбачагон дастархони идона ва барномаи консертӣ доир шуд.

Мудири шуъбаи рушди иҷтимоии ноҳияи Сангвор Шодӣ Раҳмонов гуфт, ки ҳамасола дар арафаи  ҷашни Рӯзи Артиши миллӣ қисми низомии воқеъ дар ноҳияи Сангвор барои ҳавасманд гардидани ҷавонон ба сафи Қувваҳои мусаллаҳи ҷумҳурӣ дари худро ба рӯи хонандагони муассисаҳои таълимӣ боз мекунад. Дар асоси нақшаю чорабиниҳои бахши ҷавонони ноҳия хонандагони синфҳои болоии  муассисаҳои таълимӣ бо шароити будубоши сарбозон, аз ҷумла ҷои хоб, китобхона, утоқҳои таълимӣ, ошхонаву хонаи фароғатӣ, синфхонаи технологӣ, анборхонаи захираи озуқаворӣ, майдончаи машқҳои тактикию амалӣ, ошхона, китобхонаю бунгоҳи тиббӣ ва мошинҳои низомӣ шинос мегарданд.

Февраль 22, 2021 09:33

Хабарҳои дигари ин бахш

Дар Душанбе таҳти унвони «Дастовардҳои даврони истиқлол дар низоми ҳарбии кишвар: ҳолат ва дурнамо» конференсияи илмӣ-назариявӣ доир шуд
Дар Бохтар 28-умин солгарди таъсиси Қувваҳои Мусаллаҳ бошукӯҳ таҷлил карда шуд
«БА ВАТАН СОДИҚАМ!». Таҳти ин унвон дар Душанбе бахшида ба Рӯзи таъсиси Қувваҳои Мусаллаҳ аксияи ҷумҳуриявӣ доир мешавад
Вазири корҳои дохилӣ Рамазон Раҳимзода: Соли 2020 аз ҳама зиёд ҷиноятҳои дуздӣ ва қаллобӣ ба қайд гирифта шудаанд
Саймумин Ятимов бо ҳайати баландпояи мақомоти марзбонӣ ва кор бо муҳоҷирини Иттиҳоди Аврупо мулоқот намуд
Вазири корҳои дохилӣ Рамазон Раҳимзода: 1091 ҷинояти дорои хусусияти террористӣ-экстремистӣ ошкор гардид
Мақомоти гумрук боздошти се кормандашро дар иртибот ба қочоқи 90 килограмм тилло ва 15 миллион доллар тасдиқ намуд
Мақомоти амнияти Афғонистон узви гурӯҳи «Толибон»-ро, ки таҳти пӯшиши дорусоз мехост муовини волии Лӯгарро террор кунад, боздошт намуд
Станислав Зас: «Нақшаи татбиқи қарорҳои иҷлосияи Шӯрои амнияти дастаҷамъии СААД ва афзалияти ҷониби Тоҷикистон дар соли 2021 тасдиқ карда шуд»
Раиси Кумитаи давлатии амнияти миллии Ҷумҳурии Тоҷикистон бо Дабири кулли СААД мулоқот намуд
Афроди мусаллаҳ дар Нигерия ба як мактаб ҳамла карда, 27 нафарро рабуданд
Котиби Шӯрои амният, роҳбарони Вазорати мудофиа ва Вазорати корҳои хориҷии Тоҷикистон бо Дабири кулли СААД мулоқот намуданд

Маводҳои таҳлилӣ