Бар асари се таркиш дар Кобул панҷ нафар кушта ва ду тан захмӣ гардиданд

Февраль 23, 2021 08:25

ДУШАНБЕ, 23.02.2021 /АМИТ «Ховар»/. Полиси Кобул мегӯяд, ки дар натиҷаи се таркиши минаҳои магнитӣ дар Кобул панҷ тан, аз ҷумла як зан кушта ва ду нафари дигар маҷрӯҳ шуданд, иттилоъ додааст хабаргузории «Садои Амрико» -и Афғонистон darivoa.com.

Сухангӯи полиси Кобул Фирдавс Фаромарз рӯзи шанбе (20 феврал) ба рӯзноманигорон гуфт, ки таркиши аввал як мошини тамғаи “Corolla”-ро дар хиёбони Доруламон ҳадаф қарор дод ва ду нафарро маҷрӯҳ кард.

Таркиши дуввум дар як мошини дигар дар ноҳияи чоруми амниятии Кобул рух дод, ки дар натиҷа се нафар, аз ҷумла як зан кушта шуданд.

Таркиши севум дар минтақаи «Пули Ваҳдат», ноҳияи сеюми амниятии полис рух дод ва мошини тамғаи «Ranger»-и низомиён ҳадафи он қарор гирифт. Дар натиҷаи ин таркиш ду нафар кушта шуданд.

Сухангӯи полиси Кобул нагуфт, ки қурбониҳо киҳо буданд, аммо изҳор намуданд, ки маҷрӯҳон ба бемористон интиқол дода шудаанд.

Ҳафтаи охир дар шаҳри Кобул ҳамлаҳои ҳадафнок, аз ҷумла таркиши минаҳои магнитӣдар мошинҳое, ки неруҳои амниятӣ, кормандони давлатӣ, фаъолони ҷомеаи шаҳрвандӣ, рӯзноманигорон ва судяҳоро интиқол медиҳанд, ба қайд гирифта шуданд.

Ҳеҷ гурӯҳе масъулияти ин ҳамлаҳоро бар дӯш нагирифтааст, аммо давлати Афғонистон борҳо «Толибон» -ро гунаҳгор кардааст.

 

АКС аз Reuters

Февраль 23, 2021 08:25

Хабарҳои дигари ин бахш

Шабонарӯзи охир дар ҷаҳон зиёда аз 286 ҳазор ҳолати сирояти коронавирус ошкор гардид
Тактикаи нави минахобонии “Толибон” дар Кобул
Дар Кобули Афғонистон бар асари таркиш на кам аз ду нафар кушта шуданд
Таркиш дар Кобул ҷони як устоди донишгоҳ ва як нафари дигарро рабуд
Бар асари таркиш дар шоҳроҳи Ҳирот-Ислом Қалъаи Афғонистон ду корманди полис кушта ва се тани дигар маҷрӯҳ шуданд
Дар натиҷаи таркиш дар Кунари Афғонистон панҷ корманди полис ҷон бохтанд
Дар муқобили хонаи раиси Маҷлиси намояндагони Афғонистон як автомашина бо маводи тарканда ошкор карда шуд
Корвони автомашинаҳои неруҳои амнияти миллӣ дар шаҳри Ҷалолободи Афғонистон ҳадафи ҳамла қарор гирифт
Бар асари ду таркиш дар Нангарҳори Афғонистон ду нафар ғайринизомӣ кушта шуданд
Сардори ҳавзаи панҷуми амниятии шаҳри Кобул дар як таркиш кушта шуд
Дар Кобул автомашинаи Вазорати корҳои хориҷии Афғонистон ҳадафи ҳамлаи террористӣ қарор гирифт
Билл Гейтс ду таҳдидро ба башарият пас аз пандемия номбар кард

Маводҳои таҳлилӣ