Дар шароити пандемия Намоишгоҳи «Made in Tajikistan» ба таври фосилавӣ доир гардид

Февраль 3, 2021 15:10

ДУШАНБЕ, 03.02.2021 /АМИТ «Ховар»/. Палатаи савдо ва саноати Ҷумҳурии Тоҷикистон соли гузашта тасмим дошт, ки «Намоишгоҳҳои байналмилалии универсалии Тоҷикистон-2020»-ро дар фаслҳои баҳору тирамоҳ баргузор намояд, аммо бо сабаби мушкилоти пандемияи ҷаҳонӣ ва пурзӯр намудани чораҳои зиддиэпидемикӣ ҷиҳати пешгирӣ аз паҳншавии бемории сироятии COVID-19 дар Ҷумҳурии Тоҷикистон намоишгоҳҳои мазкур баргузор нагардиданд.

Тавре раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода 3 феврал ба намояндагони расонаҳои хабарӣ дар ҷараёни нишасти матбуотӣ гуфт, “бинобар паҳншавии бемории сироятии COVID-19 ва эълон гардидани пандемия на танҳо баргузории намоишгоҳҳои болозикр, балки якчанд нақшаҳои Палатаи савдо ва саноат вобаста ба муаррифии молу маҳсулоти ватанӣ дар намоишгоҳҳои хориҷи кишвар ва таъмини иштироки соҳибкорони ватанӣ дар онҳо лағв гардид”.

Бо назардошти вазъи эпидемиологӣ дар саросари дунё, Палата бо мақсади муаррифии молу маҳсулоти ватанӣ дар хориҷи кишвар, рушди содирот, дарёфти шарикони ҳамкор, ҷалби сармоя, таъсиси корхонаҳои муштарак бори аввал намоишгоҳи фосилавии «Made in Tajikistan»-ро бо забонҳои англисӣ ва русӣ аз 26 ноябр то 17 декабри соли 2020 баргузор намуд. Дар намоишгоҳ 150 ширкати Ҷумҳурии Тоҷикистон молу маҳсулоти худро муаррифӣ намуданд.

Маълумот оид ба намоишгоҳи мазкур ба таври васеъ тавассути корпусҳои дипломатии муқими Тоҷикистон, сафоратхонаҳои Ҷумҳурии Тоҷикистон дар кишварҳои хориҷӣ ва шарикони Палатаи савдо ва саноати Тоҷикистон дар минтақа ва давлатҳои хориҷи дур  паҳн гардида, тибқи маълумоти оморӣ, беш аз 7 ҳазор нафар аз намоишгоҳ  боздид намуданд.

Февраль 3, 2021 15:10

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд